इबरानी 1:2 - Korwa Bible

² मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

इबरानी 1:2 Iomraidhean Croise

मती ओजाःतेरा भगवानराः नपाय सरवन 13:39

अरू हना बिहाने वेरतेरा हाँयग मुदइ होड़ कलउ हवे। इरुः चउंदीस टुटीगगुःता हना बेला हवे अरू इईरकुःआ होड़कू सेरमो देसरिकुःआ बराहीलकू हवे।

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

मती ओजाःतेरा भगवानराः नपाय सरवन 21:38

मनदो हँकुःआ अधियादारकू बेटात ञेलतेडखनकू कता होड़ेंगा, ननाँय हवे नाःआ बगइचारीग इताडदार। दबूपे, नाँयबू ञेड एंडाय अरू नाँयराः इताड अबू गोःयाता।

मती ओजाःतेरा भगवानराः नपाय सरवन 26:63

मनदो ईसू कलेकाले दोहोना। मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 3:17

अरू सेरमो होरते बड़राय अयूमतेरा, “नाँय ईंगरीग दुलार बेटा हवे अरू नाँय सुदा राजू इदानिंगा।”

मरकूस 1:1

भगवानरीग बेटात ईसू मसीराः नपाय सरवन नाःआ इया बुँहड़ीनता।

मरकूस 12:6

टुटीगरे मिनी होड़ हाँयरीग दुलार बेनेटात एकला बनसावनेना। अरू हाँय नाःआ ओंगोलतेडखने वारतिरिया, हँकुःआ होड़कू ईंग बेटाकू मान मरजइतता।

मरकूस 12:7

मनदो अधियादारकू अँननकू अँकू कता होड़ेंगा, ननाँय इताड गोःयीग होड़ हवे। दबूपे, नाँयबू ञेड एंडा। हनते नाःआ जमा अँननबूराः होया जुवाःता।

एहुना 1:10

हाँय चउंदीसरेय दोहोना अरू चउंदीस हाँयते बड़ाँवकिया, मनदो चउंदीसरिकुःआ होड़कू हाँय मेरकू सिनहागडीग।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 1:3

हनाँय जमा बरानाः जिनिसकूने तुलाकेरा अरू हाँय बेगर, तोनोंगाः जिनिस मेर बड़ाँवगना।

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 13:32

हाँय एचेरे भगवानराः मान मरजइत होयाः दो, भगवान बेटातेय मान मरजइतगुःता अरू ओहेन हाँये मान मरजइतगोडता।

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

एहुना 16:15

अपांग एचेरे इदा हना जमाकून ईंगराः हवे। हनालगा ईंग मड़ंगरेयिंग कताकेरा, हाँय ईंग अतेय अयूमगेता हना कताकून अपेय उदुःवापेता, माःआन।”

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

एहुना 3:25

दो मी दिन सुदगुः लगा तिःईकून अरू काटकून बुहालराः रिती-बिधी बदीरे एहुनारिकुःआ चेलाकू अरू मी होड़ एहूदा होड़ सुदाकू अड़ा-चउकीयान।

एहुना 5:26

अपात जीवराः सूती हवे। हनन इया बेटात हों जीवराः सूती बड़ाँः लगा हातपाते एमेवाडिया।

एहुना 5:27

हाँय मनुवारीग बेटात हवे। हनालगा अपात होड़कूय फड़ियाव लगा बेटात हातपाते ओवाडिया।

एहुना 9:29

अले सुदीयतना भगवान मोसेस सुदाय बड़रानेना, मनदो अले नाँयग होड़ मेरले सुदीगेयता, हाँय करेयीग होड़ हवे, माःआन।”

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 2:17

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

इपीसी 3:9

जमाकूरीग तुलादार भगवान, मुरुक जूग वरीतेय ओको दोहोकेरा हना कता जमाकू एचेरे थित-थितार कता उदुःगे लगा हों ईंगे सुनावकेरा।

इबरानी 1:5

दो सेरमोरिकुःआ बराहीलकू अते इये एचेरे भगवान कतातेरा, “आम ईंगरीग बेटा हवे, तिसिंग ईंग आमरीग अपांगिंग बड़ाँवकिया, माःआन?” अरू एटाः कागदरे हाँय कतायता, “ईंग हाँयरीग अपांगिंग बड़ाँःता अरू हाँय ईंगरीग बेटाय बड़ाँःता।”

इबरानी 1:8

मनदो अनँयग बेटात बदीरे नाःआ इयाय कतायता, “ने भगवान, आमराः राइज सगर सइट वरी दोहोनता, अरू आम राइजगेराः बोंग साबकेडखन सतायतेम फड़ियावगेता।

इबरानी 11:3

बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 5:8

हाँय बेनेटात दोहोना। हनारे हों कटसिया सनाहाव घड़ीन अपात भगवानराः हुकुम मनाः लगाय चेडनेना।

इबरानी 7:28

मोसेसराः नियमते अबड़ होड़कू पुजउरीकू बड़ाँवकूता। मनदो किरिया जोमतो जबान, नियम अते तयोमते बड़ाँवनेना। मनदो हनानाः किरियाते भगवान अनँयग बेटात ईसू सगर सइट लगा उडु-बुडूत पुजउरी बड़ाँवगे लगाय सुनावकिरिया।

इबरानी 7:3

हाँयरिकिनाः एंगा अपा कोवाकिना अरू हाँयरिकुःआ खुटिपहार होड़कू कोवाकुःआ। हाँयराः जीवराः बुँहड़ी सहे टुटीग कोवानेःआ, अरू हाँय भगवानरीग बेनेटात इया सगर सइट लगा पुजउरी बड़ाँवतोय दोहोनता।

इबरानी 9:26

ननन इया हाँय घड़ी घड़ी बलिदानगुः लगा दोहोकुः दो चउंदीस रेःएन वरीते घड़ी घड़ी कटसिया हों हाँयके ससहाव परावकुःआ। मनदो मसी, नाःआ टुटीग बेलारे अनँयग बलिदाननेनखन होड़कूराः कसूर बराव एंडागे लगा मिनी तुरहा चउंदीसरेय वेगनेना।

1 पतरस 1:20

भगवान चउंदीस तुला अते मड़ंग, ईसू मसीय सुनाव दोहोतिरिया, मनदो चउंदीस टुटीगगुःता हना अते मड़ंग दिनरे, अपे लगा भगवान हाँये उदुःवातेडपेःआ।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।