इपीसी 3:19 - Korwa Bible

¹⁹ अबूराः कनहूनते ओरोबू ओंगोल तजाः अवेतेरा, हना दुलारबू सुदी अवेय लगा होयिंग अरजीतना, जेमहा भगवानराः जमालेःआते अपेराः जीव उडु-बुडू जुवाः।

इपीसी 3:19 Iomraidhean Croise

मती ओजाःतेरा भगवानराः नपाय सरवन 5:6

बेगर गारबार जीव जियाः लगा रंगेगतो अरू ततंगतो इदानकुःआ, हँकुःआ होड़कूराः जीव-जहन भगवान भलावाडखने नपायगेयता, अरू हँकुःआ होड़कू संतोक जुवाःता।

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

रूमी 8:35

ईसू मसी अबूय दुलारता अरू हना दुलार अते तोनोंगाः एटाः अवेबूता जा? ओरो! तोनोंग इयाःआ कटसिया, सहे ओंगोल अदरुजी, सहे संताव, सहे ञेड गोएगबू लगा दिरुवा, सहे कतकाल, सहे ओयोन तुसिंग लगा हुडिंग-बगरा, नाःआ जमाकून हाँयराः हना दुलार अते अबू ओनोरो एटाः अवेतेडबुःआ।

रूमी 8:39

नुँहू होयाःतना सहे अरीन होयाःआ, अरू सेरमोरे सहे ओतरे भगवान तुलाकेरा हना जमा जिनिसकून, अबू भगवानराः दुलार अते ओरो एटाः अवेतेडबुःआ।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

इपीसी 3:18

भगवान अबूय दुलारता हना दुलार तुमिन सकड़ अरू लंबी इदा, तुमिन उसूल अरू गहीर इदा हना भगवानरिकुःआ सुद होड़कू सुदा, अपे बुझाव अवेन लगायिंग अरजीतना।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

इपीसी 5:25

ने हेपेरेलकू, मसी अनँयग आँयगते गुजुः लगा जिमानेनखन कलसियाय अलार-दुलारकेरा, हनन इया अपे अँननपेरिकुःआ एपेराकूपे अलार-दुलार।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलिपी 4:7

हनन इयापे एचेय दो ईसू मसी सुदा मिनीयान अते भगवान अपेराः जीव अरू ओंगोल सलसतरेय दोनोहोगोडता। अबू मनुवाकू नाःआ सलसत, कहियो ओरोबू सुदी तजाः अवेतेरा।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!