कुलूसी 2:3 - Korwa Bible

³ हनाँयग ईसू भगवानराः जमालेःआ सताय अरू कनहूने उदुःवाबूता।

कुलूसी 2:3 Iomraidhean Croise

मती ओजाःतेरा भगवानराः नपाय सरवन 10:26

एटाः होड़कू अते ओकोकेडखनकू पसावगोडता हन कताकून भगवान उडुंगगोडता, अरू ओकोत बड़रा भगवान जमा होड़कूय एचे सुदीगोडकूता। हनालगा अपे होड़कू सुदा अहापे बोर।

लूका 11:49

हनालगा भगवान आँयगराः कनहूनतेय कताकेरा, ईंग हँकू एचेरे ईंगराः बड़रा कता होड़कू अरू मूक चेलाकूयिंग वारता। अदोमकूकू ञेड एंडाकूता अरू अदोमकूकू संतावकूता।

रूमी 11:33

अजंग, भगवानराः कनहून अरू मया तुमिन अगम इदा! हाँयराः ओंगोल अरू बुइद तोनोंगीग मेरबू सुदी अवेयता।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

इपीसी 1:8

अरू हाँय अनँयगराः जमा कनहून अरू ओंगोल इया मिनी जीवतेडखने मयावाडबुःआ।

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

कुलूसी 3:3

अपेराः जुना जीव टुटीगयना अरू अपेराः नँवा जीव मसी सुदा भगवान एचेरे जबीततो इदा।

2 पतरस 1:5

ननानाः लगा अपे मुरुक मिहनइत घड़ीन अपेराः बिसवास सुदा नपाय लूर-नेवनते हों दोहोन इदा, अरू नपाय लूर-नेवनतेपे जियाः मेला कनहूनदारपे बड़ाँः,

उदुःतो कताकून 2:17

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, ओकोत इदा हना मनाह ञावाः रुटी अते अदोमिंग एमेवायता। अरू हाँय लगा मीटोंग उजड़ दिरि होयिंग एमेवायता अरू हना दिरिरे मीटोंग ञाव ओजाःतो दोहोनता। अरू हना दिरि पवाः होड़ एकला हना ञावे सुदी अवेता।”