2 तिमुतियूस 4:8 - Korwa Bible

⁸ दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

2 तिमुतियूस 4:8 Iomraidhean Croise

मती ओजाःतेरा भगवानराः नपाय सरवन 24:36

“मनदो हना दिन सहे बेला तोनोंगीग होड़ मेरकू सुसुदीता। सेरमोरिकुःआ बराहीलकू अरू बेटात हों मेरकू सुदीयतना, मनदो अपांग भनगवान एकला नाःआय सुसुदीतना।

मती ओजाःतेरा भगवानराः नपाय सरवन 7:22

हना दिन मुरुक बगरा होड़कू ईंग एचेरेकू होंबरेता, “ने परबू, अले आमराः ञावते होड़कू एचेरे, दरवाःआ हना कताकून मेरले कता उदुःगतेरा, जा? अरू आमराः ञावते होड़कू अते भूतकू मेरले एचे उडुंगतेडकुःआ जा? अरू आमराः ञावते अले मुरुक मुरुक बयाव जुवाः इयाःआ बुताकून मेरले एचेगतेरा जा?”

लूका 10:12

नाःआ कतापे अयूम, फड़ियावराः दिनरे हना सहररिकुःआ होड़कू, भगवान सोदोम सहररिकुःआ बेलूर होड़कू अते अनउर मुरुके डंडियावकूता।”

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

रूमी 8:23

जमा सकालाः एकला कोवान मनदो अबू हों इंदरीरेबू केहराव ञवनतना। भगवान अबू एमेवा लगाय जबानतेरा हना जबानराः चिनहा इया आँयगराः सुद बिरुवाय एमेवाडबुःआ। अरू भगवान अनँयग लइंकू इया जमालेःआ समुटावकेडबूखन बेगर कसूरतो नँवा देहे एमेवाबूता। हनानाः दिन लगाबू टकागोड ञवनतना।

1 कुरिंती 2:9

भगवानराः कागदरे ओजाःतो इदा हनाराः मतलोब ननानाः हवे, “तोनोंगीग मेरेय ञेलगाड, अरू मेरेय अयूमगाड, अरू तोनोंगीग होड़ मेरेय ओंगोल तजाः अवेगाड, हनानाः कता भगवानकू दुलारता हँकुःआ होड़कू लगाय संजोड़ दोहोकेरा।”

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

1 कुरिंती 9:25

एनेगताकू हँकुःआ होड़कू गोसो जुवाःता हना सकमराः खोपा इमान पवाः लगा जमालेःआ मुरुक सहाव घड़ीनकू पिरिसटिकगेता। मनदो अबू कहियो ओरो कहीनेना हना इमान पवाः लगा सहाव घड़ीन भगवानराः बुताबू एचेयतना।

2 कुरिंती 5:2

दो अबू नाःआ देहरेबू दोहोन मेला सेरमो देसराः देह पवाः लगा उसाडगुः घड़ीनबू कुहकावगोड ञवनता।

पिलिपी 3:11

जेमहा होयाःकून करे ईंग हों गोएगतो होड़कू अतेयिंग जियाव रिमुः।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिसलूनिका 5:4

मनदो ईंग अजी बोपोहकूतिंग, अपे अंदरा अरू रइतरिकुःआ होड़कू कोवापेःआ। हनालगा इनिग होड़ वेगतान मेला होड़कू बयाव जुवाःता हना इया परबू ईसू कुदा वेग मेला अपे ओरोपे बयावनेना।

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।

1 तिमुतियूस 6:19

नाःआ इया हँकुःआ होड़कू एचेय दो कहियो ओरो केड़ेनेना हना आन-धान सेरमो देसरेकू बटुड़ाव अवेयता, अरू हँकू सताय जीवकू जियाव अवेनता।

2 तिमुतियूस 1:10

दो नुँहू होड़कू गोएगकूता हना जंगर हरुवाव एंडाकेडखन नपाय सरवनते ओरो टुटीगनेना हना जीवराः दूरे उदुःगोतेरा अबूरीग सडावदार ईसू मसी एचे ञेलनेना अरू भगवानराः मया अबूय ओवाडबुःआ।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

2 तिमुतियूस 1:18

अरू आम नपायमे सुदीयतना इपीसी सहररे हों हाँय ईंग करा इयाय संघरावातेडिंगा। दो ईसू मसी कुदा वेगता हना दिन परबू हाँये सोगावाय लगायिंग अरजीतना।

2 तिमुतियूस 2:5

तोनोंगाः एनेगरे नियम इया मेरेय एनेगतान दो हाँयग होड़ इमान मेरेय पवाःता।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

इबरानी 12:11

भगवान अबूय सुटियावता हान मेला अबूके नपाय मेर लगाःता। मनदो हना तयोमते सहाव सहावबू चेड जुवाःतान दो अबूराः जीव सलसत जुवाःता अरू बेगर गारबार होड़कूबू होया जुवाःता।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

1 पतरस 1:4

अरू भगवान अनँयगरिकुःआ होड़कू लगा सेरमो देसरेय दोहोकेरा कहियो ओरो सेयानेना सहे ओरो बेलूरनेना सहे ओरो बदलावनेना हना इताड पवाः लगाबू असरागोड ञवनतना।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

उदुःतो कताकून 22:20

नाःआ कताकूनराः हिदइते एमेता हाँय कतायतना, “हाव, ईंग हनालियिंग कुदा वेगता।” “आमीन! हाव, परबू ईसू वेगमे।”

उदुःतो कताकून 4:10

हनमेला गदीरेकू दुड़ुःता, हँकुःआ मी कुड़ी चइरगोटोंग मूक होड़कू, हँकू, सगर सइट लगा जिनियत इदानिया हाँय मड़ंगरे, अँननकूराः पगरीकू मंडावकेरा अरू तबेरकेडखनकू जागगेयता,

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।