2 तिमुतियूस 4:5 - Korwa Bible

⁵ मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

2 तिमुतियूस 4:5 Iomraidhean Croise

मती ओजाःतेरा भगवानराः नपाय सरवन 25:16

पाँचटोंग सोनाराः रिचकी ढिबुवाय पवावनेना हाँयग होड़ सेनेडखन फेरवइत घड़ीन अरू पाँचटोंग सोनाराः रिचकी ढिबुवाय पुंजियावतेरा।

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

मरकूस 13:37

ईंग अपे एचेरेयिंग कतायता हना कता जमाकू एचेरेयिंग कतायतना, जगलेपे दोहोन।”

लूका 12:37

मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

मूक चेलाकू 21:8

एटाः दिन अले कइसरियाले सोदोरनेना अरू भगवानराः नपाय सरवन परसारीग होड़ पिलिपराः ओड़ाःरेले दोहोना। हाँय एरुसलेमरे ईसूरिकुःआ मूक चेलाकू संघरा एमेवा लगाय सुनावतेडकुःआ हँकुःआ सातगोटोंग सेवकियाकू अते मी होड़े दोहोना।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

कुलूसी 4:17

अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिमुतियूस 4:15

नाःआ जमा कताकून ओंगोल घड़ीन एचेगोड ञवन लगा लगलेम दोहोन, जेमहा जमा होड़कू आम करा उड़ीम बडे इदीनतना हनाकू सुदीगोड।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

2 तिमुतियूस 2:3

ईसू मसीरीग नपाय सइना होड़ इया कटसियाम सहाव।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

उदुःतो कताकून 3:2

ईंग अपेराः तोनोंगाः बुता भगवान मड़ंगरे नपाय मेरिंग ञेलगरा। हनालगा अपे रिमुःपे अरू गुनमिन बनसावतो इदा अरू भय गुजुःतना, हनापे बड़ियाड़गोड।