3 ईसू मसीरीग नपाय सइना होड़ इया कटसियाम सहाव।
हाँय हुकुमवातेडकुःआ, हनन इया सइना होड़कू पउलूस रनातो रइतरे हँकू सुदाकू गोःयाय अरू अंतिपतिरिस सहररेकू गोः सोदोरतिरिया।
एटाःकूय दुलारता हाँयग होड़ जमालेःआय अयूम पसावगोडता, जमालेःआ मेरेय जाःगेता, जमालेःआ लगाय असरागेता, जमालेःआय सहवेता।
तोनोंगीग सइना होड़ अनँयग आँयग लगा बरेलाय तिहायता जा? तोनोंगीग किसाड़ अंगूर रोपाकेडखन हनाराः जोःओ मेरेय जोमता जा? जानरकूरीग सरवाहा अनँयगरिकुःआ जानरकूराः दूद मेरेय ञूयता जा?
अलिंग कटसियारेलिंग पराःतान दो, हान अपेराः जीव हड़ियाड़ जुवाः अरू सडाव जुवाः लगा होयाःता। अरू अलिंगराः जीव हड़ियाड़ जुवाःतान दो अपेराः जीव हड़ियाड़गुः लगा होयाःता। ननानाः अते अलिंग सहवेता हनन इया कटसिया अपे हों डीड़केडखनपे सहाव अवेयता।
ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,
ने तिमुतियूस, ईसू मसी एचेरे बिसवासगेतान अते ओरो टुटीगनेना हना जीवराः जबान पवावनेनखन भगवानराः हिछाते ईसू मसीरीग मूक चेलायिंग बड़ाँवनेना ईंग पउलूस,
हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।
भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।
अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।
अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।
मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।
अबूरीग मेसेबू इया इदानिया हाँयग अपियालिंग सलामगेयतना। अलिंग सुदाय पपरसारतना हाँय अरकिपूस होंलिंग सलामतना। ने पिलेमोन, आम ओड़ाःरे संगइतीरेकू दुड़ुःता, हँकुःआ जमा बिसवासी होड़कू होंलिंग सलामतना।
अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।
बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।
दो इबराहीम सहाव घड़ीने दोहोना अरू भगवान जबानतेरा हनाय पवावनेना।
अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।
