2 तिमुतियूस 2:19 - Korwa Bible

¹⁹ मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

2 तिमुतियूस 2:19 Iomraidhean Croise

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 28:19

हनालगा अपे जमा जइत होड़कू एचेरे सेनेकियानखन ईंगरिकुःआ चेलाकूपे बड़ाँव अरू हँकू अपात अरू बेटात अरू सुद बिरुवाराः ञावते बतिसमापे एमेवाकू।

मती ओजाःतेरा भगवानराः नपाय सरवन 7:23

दो ईंग हँकुःआ होड़कू एचेरेयिंग कतायता, “ईंग अपे कहियो मेरिंग सुदीगोडपेःआ। ने बेलूर होड़कू, अपे ईंग मड़ंगतेपे सलाव जुवाः।”

मती ओजाःतेरा भगवानराः नपाय सरवन 7:25

दो दाः उयुःनेन अरू पुरा दाः ओड़ाःरे टपूयान अरू गड़रा घटा हों सलावनेना। मनदो हना ओड़ाः चटइन चोटरे बड़ियड़ते तुलात दोहोन अते मेर रूबगान।

मरकूस 12:16

दो हँकू हना चाँदीराः रिचकी ढिबुवाकू अगूतेरा अरू ईसू हँकू एचेरेय कतातेरा, “नाःआ रिचकी ढिबुवारे इयेराः मुरइत इदा अरू इयेराः ञाव ओजाःतो इदा?” हनते हँकू कतातेरा, “मरंग राजा कइसरराः मुरइत अरू हाँयराः ञाव इदा।”

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

लूका 13:27

मनदो हाँय कतायता, ईंग अपे मेरिंग सिनहापेतना। अपे करेकुःआ होड़कू हवे? ने बेलूर बुता होड़कू, अपे जमाकू ईंगतेपे तोरे जुवाः, माःआन।

लूका 6:48

हाँय, ओड़ाः तुला मेला गनाहीर गडाकेडखन चटइन चोटरेय नेवतेरा हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। हना ओड़ाः बड़ियाड़ तुलात दोहोना हना अते ओड़ाः मेर रूबगान।

एहुना 10:14

नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

एहुना 13:18

ईंग सुनावकेडकुःआ, हँकूयिंग सुसुदीतना। नुँहू अपे जमाकू बदीरे मेरिंग कतायतना, मनदो भगवानराः कागदरे ओजाःतो इदा हना कता होनोयाः लगा इदा। ईंग सुदाय जोमा हाँयग होड़, ईंगरीग मुदइ होड़े बड़ाँवनेना।

एहुना 3:33

भगवानराः कताय मनाःता हाँयग होड़ भगवान सताये कतायता माःआने उदुःबाःकाता।

मूक चेलाकू 11:26

हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।

मूक चेलाकू 15:17

नाःआते एटाः जइत होड़कू हों ईंगकू ञामता, अरू ईंगराः ञावकू सुदीयता हँकुःआ बेगर एहूदाकू होंकू ञामिंगता।

मूक चेलाकू 9:14

अरू नुँहू हाँय आमराः ञावरेकू बिसवासगेतना हँकुःआ होड़कू साब गोः लगा मरंग पुजउरीकू अते हातपाततेय वेगकिया।”

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

रूमी 15:20

ईसू मसी बदीरे मेरकू सुदी अवेगरा, हँकुःआ होड़कू नपाय सरवनिंग परसार उदुःवाकू लगा ईंग जीव ओंगोल तरसाःतना, जेमहा ईंग एटाः होड़ रेमकेरा हना रेमतो भीटरे ओड़ाः अलोयिंग तुलाय।

रूमी 15:9

अरू भगवान बेगर एहूदाकू होंय मयावाकू अते हँकू हाँयकू जाग अवेय। नाःआ कता बदीरे भगवानराः कागदरे ओजाःतो इदा, “हनालगा ईंग जमा जइत होड़कू तलारे आमराः ञाविंग जगावता, अरू आम लगायिंग सेरेंगता।”

रूमी 8:28

दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

रूमी 9:11

हँकिन जनमावगुः अते मनाड़ंग इसराएल होड़कूराः रिती-बिधी अते एनेटाः इया भगवान रिबका एचेरेय कतातेरा, “मरंगीग हेरेल होन हुडिंगीग हेरेल होनरीग सेवकिया होड़े बड़ाँःता।” नाःआ कताते अबू सुदीयता, भगवान तोनोंगीग होड़ नपाय सहे बेलूर बुताय बुताता, हनाते हाँय मेरेय सुनावगेयता। मनदो हाँय अनँयग ओंगोल इया होड़कूय सुनावकूता।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

1 कुरिंती 8:3

मनदो तोनोंगीग भगवाने दुलारता दो, भगवान हाँये सुदीता।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

गलातिया 4:9

मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

इपीसी 3:15

हाँय अगीते सेरमो अरू ओतरिकुःआ जनामाकू अँकूराः ञावकू पवाःता।

इपीसी 4:30

सुद बिरुवाराः चिनहाते टुटीगगुःराः दिन भगवान अपे जमालेःआतेय सडावपेता। दो सुद बिरुवा अहापे एचे अदरुजीगे।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

1 तिमुतियूस 6:19

नाःआ इया हँकुःआ होड़कू एचेय दो कहियो ओरो केड़ेनेना हना आन-धान सेरमो देसरेकू बटुड़ाव अवेयता, अरू हँकू सताय जीवकू जियाव अवेनता।

इबरानी 11:10

ननन इया भनगवान अनँयग ओंगोल इया बड़ियाड़ते नेवकेडखने तुलातेरा हनानाः सेरमो देसराः सहर लगा इबराहीम टकागोड ञवना।

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 21:14

हना सहरराः हता बारहगोटोंग नेवरे तुलात दोहोना। अरू हना मेमेडटोंग नेवरे हाँयग भेड़ा होनरिकुःआ बारहगोटोंग मूक चेलाकूराः ञाव ओजाःतो दोहोना।

उदुःतो कताकून 22:4

हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।