2 तिमुतियूस 2:18 - Korwa Bible

¹⁸ नँकिन सताय दूरकिन अड़ाःगोतेडा अरू होड़कू एचेरेकिन कतायता, गोएगनेनाकू हँकुःआ बिसवासी होड़कू भगवान जियाव रेमगोतेडकुःआय, माःआन। अरू हँकिनराः बड़राते मुरुक होड़कूराः बिसवास आड जुवाःता।

2 तिमुतियूस 2:18 Iomraidhean Croise

मती ओजाःतेरा भगवानराः नपाय सरवन 15:13

दो ईसू चेलाकूतेने कतावातेरा, “सेरमो देसरीग ईंग अपांग भगवान मेरेय रोपागडा, हना सींगकून जमा रवीग एंडा जुवाःता।

मती ओजाःतेरा भगवानराः नपाय सरवन 22:29

दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ।

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

मूक चेलाकू 5:39

मनदो नाःआ कता भगवानराः ओंगोल इया होयाकियान दो अपे हँकू तोनोंग इया ओरोपे रोंकाव अवेतेडकुःआ। अरू अपे भगवानरिकुःआ मुदइ होड़कूपे बड़ाँव जुवाःता।”

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

1 कुरिंती 15:12

भगवान ईसू मसीय जियाव रेमकेरा माःआनले परसारतेरा अरू हनानाः सरवनपे बिसवासकेरा। दो अपे अते तोनोंग तोनोंग होड़कू करा इयाकू कता अवेयता, गोएगतो होड़कू मेरकू जियाव रिमुःता, माःआन?

कुलूसी 3:1

भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।

1 तिमुतियूस 6:21

अदोम होड़कू हँकुःआ होड़कूराः लबरा बड़राकू मनावयना अरू हनन अते हँकू बिसवासराः दूरकू अड़ाःगोतेडा। भगवान अपे जमाकूय मयावागोड ञवन।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

इबरानी 3:10

हनालगा ईंग हना जूगरिकुःआ होड़कू सुदा रीस रंजावतोयिंग दोहोना, अरू ईंग कतातेरा, नँकूराः जीव सगर दिन बहकावगोड ञवनतना, अरू ईंगराः दूर नँकू मेरकू सुदी अवेगाड।

एकूब 5:19

ने अजी बोपोहकूतिंग, तोनोंगीग होड़ सताय दूर अतेय चलाः जुवाः अरू तोनोंगीग हाँये कुदा अगूय दो,

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।