2 तिमुतियूस 1:15 - Korwa Bible

¹⁵ आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

2 तिमुतियूस 1:15 Iomraidhean Croise

मूक चेलाकू 16:6

भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

मूक चेलाकू 19:10

नाःआ इया बार बरिस वरी होयानेना अरू आसिया राइजरिकुःआ मुरुक बगरा एहूदाकू अरू बेगर एहूदाकू परबूराः सरवनकू अयूमतेरा।

मूक चेलाकू 19:27

नुँहू जगल इदा अबूराः बुता अरू फेरवइत लाय जुवाःता अरू जमा आसिया राइजरिकुःआ होड़कू अरू चउंदीसरिकुःआ होड़कू जागेयतना हाँयग मरंग देबी अरतिमीस अरू हाँयराः मंदिर हों होड़कू एरंगवाता।”

मूक चेलाकू 19:31

पउलूसरिकुःआ सउंगताकू दोहोना हना देसरिकुःआ अदोम हातपात होड़कू हों हाँय हना अखरारे अहाय सेन लगाकू रोंकावतिडिया।

मूक चेलाकू 2:9

अबू पारथी राइजरिकुःआ, अरू मेदी राइजरिकुःआ, अरू एलाम राइजरिकुःआ, अरू मेसोपोटोमिया राइजरिकुःआ, अरू एहूदिया छतररिकुःआ, अरू कपादूकिया राइजरिकुःआ, अरू पुंतूस राइजरिकुःआ अरू आसिया राइजरिकुःआ,

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

1 कुरिंती 16:19

आसिया राइजराः कलसियाकूनरिकुःआ होड़कू अपेकू सलामतना। अपे परबू एचेरेपे बिसवासगेतना। हनालगा अकवीला अरू हाँयरीग अइमी पिरिसकीराः ओड़ाःरेकू दुड़ुःता हँकुःआ बिसवासी होड़कू सुदा अपे हिया घड़ीनकू सलामपेतना।

पिलिपी 2:21

हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

2 तिमुतियूस 4:16

मड़ंगरे कोट कछेरीरेयिंग सेनेडा दो ईंग बदीरे कताय लगा तोनोंगीग मेरकू सेनेगान अरू जमाकू ईंगकू अड़ाःगोतेडिंग। ईंग अरजीतना भगवान हँकुःआ होड़कू अहाय डंडियावकू।