2 तिसलूनिका 3:11 - Korwa Bible

¹¹ अले अयुमेतनाले, अपे अते अदोम होड़कू कुड़ही इदानकुःआ। हँकुःआ होड़कू अँननकू अँकूते मेरकू बुताता अरू एटाः होड़कू हों बुता मेरकू बुता ओवाकूता।

2 तिसलूनिका 3:11 Iomraidhean Croise

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिसलूनिका 4:11

अरू जमाकू सुदा सलसतरेपे दोहोन। अँननपेराः बुतापे ञेल, अरू अले चेडतेपेःआ हना इया अँनपे तिःईतेपे बुता,

2 तिसलूनिका 3:6

ने अजी बोपोहकूतिंग, परबू ईसू मसी अले एचेरेय एमेकेरा हना हातपातते नाःआ हुकुमले एमेवापेतना। अले चेडतेडपेःआ हना कता तोनोंगीग होड़ मेरेय मनाःता अरूय कुड़हीतान दो, हाँयग होड़ अते तोरेपे दोहोन।

1 तिमुतियूस 5:13

हँकू कुड़ही जुवाःताकू अरू हँकू ओड़ाः ओड़ाः सेन घड़ीन होड़कूकू ओपता इदीता। हँकू एटाः होड़कूराः बुतारेकू मेसा जुवाःता अरू होड़कू सुदा बुतुड़ु इया कोवानेःआ हना बड़राकू कतायता।

1 पतरस 4:15

अपे अते तोनोंगीग ञेड एएंडा होड़, सहे इनिग होड़, सहे लुड़ी होड़, सहे तुड़ेंग-तपेग होड़ होयाः अते कटसिया अहापे सहवे।