2 तिसलूनिका 2:7 - Korwa Bible

⁷ नुँहू वरी होड़कू सोटो बोटो होड़ेंगतनाकू अरू हँकू भगवान मेरकू मनवेयतना। रोरोंकावीग दोहोन वरी हाँयग रबूद होड़ रोनोंकावतोय दोहोनता। मनदो रोरोंकावीग चलाः जुवाः दो,

2 तिसलूनिका 2:7 Iomraidhean Croise

मूक चेलाकू 20:29

ईंग सुदीयतना ईंग सेन तयोमरे रमू बुःआ इया बेलूर होड़कू अपे तलारे वेगवाडखन बिसवासी होड़कूकू नरी नठी एंडागोडकूता।

2 तिसलूनिका 2:6

हाँयग रबूद होड़ वेग अते चिला रोंकावकिडिया हना अपे सुसुदीतना। अरू हाँय भगवान तोल दोहोकेरा हनानाः बेलारेय एचे ञिलुःता।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।

1 एहुना 4:3

अरू ईसू मसी नाःआ चउंदीसरे होड़कूराः सुरइत मुरइतरे मेरेय वेगगना माःआने कतायता हाँयग होड़ एचेरे, भगवानराः सुद बिरुवा मेर दोहोनता। अरू हनाँयग होड़ एचेरे मसी मुदइ होड़राः बिरुवा दोहोनता। नाःआ कता अपे अयूमकेरा। मसी मुदइ होड़ चउंदीसरे वेग लगा इदानिया, अरू नुँहू वरी हाँय नाःआ ओतरे इदानिया।

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 17:7

हनते हाँयग बराहील ईंग एचेरेय होंबोरतेरा, “आम चिला लगाम बयावयना? सातगोटोंग बोः अरू दसगोटोंग देरेंग इदा हाँयग जानर बदीराः अरू, हाँय चोटरे दुड़ुःतो इदानिया हाँयग अइमी बदीराः ओकोत कता, ईंग एचे बुझावगोडमेता।