2 तिसलूनिका 1:9 - Korwa Bible

⁹ भगवान हँकुःआ होड़कू सगर सइटराः डंडे एमेवाकूता अरू हँकुःआ होड़कू परबू ईसूराः मड़ंगतेकू हिगार एंडा जुवाःता अरू हाँयराः जंगरराः मान मरजइत ओरोकू अटकार अवेतेरा।

2 तिसलूनिका 1:9 Iomraidhean Croise

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 22:13

हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।

मती ओजाःतेरा भगवानराः नपाय सरवन 24:30

हनते मनुवारीग बेटातराः चिनहा सेरमोरे होयाःता। अरू चउंदीसरिकुःआ जमा जइत होड़कू फिकीर घड़ीनकू इयामता। अरू हनमेला हँकू मनुवारीग बेटात मुरुक जंगर अरू विड़चेड़तो मरसल इया बदरीरे वेगतोकू ञेलेयता।

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मती ओजाःतेरा भगवानराः नपाय सरवन 26:24

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

मती ओजाःतेरा भगवानराः नपाय सरवन 7:23

दो ईंग हँकुःआ होड़कू एचेरेयिंग कतायता, “ईंग अपे कहियो मेरिंग सुदीगोडपेःआ। ने बेलूर होड़कू, अपे ईंग मड़ंगतेपे सलाव जुवाः।”

लूका 13:27

मनदो हाँय कतायता, ईंग अपे मेरिंग सिनहापेतना। अपे करेकुःआ होड़कू हवे? ने बेलूर बुता होड़कू, अपे जमाकू ईंगतेपे तोरे जुवाः, माःआन।

एहुना 5:14

तयोमरे ईसू सुदा हाँयग होड़ भगवानराः ओड़ाःरेय जुमावनेना। अरू ईसू हाँय एचेरेय कतातेड, “ञेलमे! आम नपाययना। अरू अहम कसूरगे। नाःआ अते बगरा तोनोंग इयाःआ गराह कटसिया आम एचेरे अहा होयाः।”

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

1 तिसलूनिका 5:3

होड़कू कतायता, नुँहू अले लगा तोनोंगाः सिकिसता कोवानेःआ अरू सलसतरे इदानलेःआ, माःआन। दो हननमेला उड़सी अइमीराः हसू सुदुरुःता हनन इया हँकुःआ होड़कू एचेरे असाकारे सिकिसता सुदुरुःता अरू हँकू तोनोंग इया ओरोकू बनसाव अवेनेना।

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

2 पतरस 2:17

हँकुःआ होड़कू दाः सूती अंजेडतो इया अरू गड़रा घटा बदरी इया इदानकुःआ। अरू हँकुःआ होड़कू भगवान अनंदरा अंदरा पेंदारेय एचे दोहोकूता।

2 पतरस 3:7

मनदो भगवान अनँयगराः हनानाः सरवनते नुँहुःआ सेरमो अरू ओत सेंगेलते बाल लो एंडागे लगा फड़ियावराः दिन वरीय दोहोकेरा। हनमेला कसूर होड़कूराः फड़ियाव अरू लाय एंडान होया जुवाःता।

जूदा 1:13

हँकू समुंदरराः दाः उछलाःता हना हलका इयाकू दोहोनता, अरू हना पोतो हँकूराः गियुः बुता इया ञिलुःता। हँकू बेगर लूरतेकू सेनता हँकुःआ इपीलकू इया इदानकुःआ। अरू हँकुःआ होड़कू भगवान अनंदरा अंदरा पेंदारे सगर सइट वरीय एचे दोहोकूता।

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।