2 पतरस 2:6 - Korwa Bible

⁶ सदोम अरू अमोरा सहररिकुःआ होड़कू, अरीनकू ओनोबगुः वरी सेंगेलते भगवान लो एंड़ातेडकूखने डंडियावतेडकुःआ। दरवाःआ हना दिनरे भगवानराः कता मेरकू मनाःता हँकुःआ होड़कू लगा हना डंडियाव मीटोंग चिनहा इयाय दोहोकेरा।

2 पतरस 2:6 Iomraidhean Croise

मती ओजाःतेरा भगवानराः नपाय सरवन 10:15

अपे ईंगपे अयूम! फड़ियावराः दिनरे नाःआ सहररिकुःआ होड़कू, सोदोम अरू गोमोरा सहररिकुःआ बेलूर होड़कू अते बगरा डंडकू पवाःता।”

मती ओजाःतेरा भगवानराः नपाय सरवन 11:23

अरू ने कपरनहूम सहररिकुःआ होड़कू, अपे नाःआ इयापे ओंगलेतना जा, भगवान अले सेरमो देस अगीय गोःयालेता। बुरी! हाँय दो अपे पतालपूररेय वारगोडपेता। भगवानराः जंगर बुतापे ञेलतेरा, हना इया सोदोम सहररिकुःआ होड़कू एचेरे भगवान एचेगोडकेःआ दो, हना सहर तिसिंगाः दिन वरी दोनोहोकुःआ।

रूमी 9:29

अरू ननानाः कता एसयाह मड़ंगरेय कतातेरा, “मरंग जंगरदार भगवान अबू लगा नइड़-बाँस होड़कू मेरेय बनसावकेकुः दो, अबू हों सोदोम सहर अरू अमोरा सहररिकुःआ होड़कू इयाबू लाय एंडा जुवाःकुःआ।”

1 कुरिंती 10:11

अबू इसराएल होड़कू इया अलोबू होयाः लगा नाःआ जमाकून हँकू जीवरे होयानेना। अबू टुटीगगुः अते मड़ंग बेलारे इदानबुःआ। नाःआ जमाकून अबू लगा ओजाःतो इदा, जेमहा अबू सवासितीबू दोहोन।

इबरानी 4:11

हनालगा अबू जमा इयाःआ मिहनइत घड़ीन हनानाः लोड़ोन अटकारगे लगाबू कुरनिसगोड ञवन, जेमहा तोनोंगीग हुकुम मेरकू मनावगान हँकुःआ होड़कू इया अलोबू बेगेनान।

जूदा 1:15

भगवानराः ओंगोल अते एटाः इया गारबारकू एचेकेरा हँकुःआ जमा कसूर होड़कू अरू हाँयग ओंगोल इया कोवाकुःआ हँकुःआ कसूर होड़कू आँयग बदीरेकू कताकेरा हना जमा बेलूर बड़रा लगाय डंडियावकूता, माःआन।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।