2 पतरस 1:12 - Korwa Bible

¹² हनालगा ईंग चेडकेडपेःआ हना कता अपे सुनुदीबाःगोतेरा, अरू हनानाः सताय कतारे बड़ियाड़ इदानपेःआ। हनते हों नाःआ कता बदीरे ईंग अपे उहियारगोड ञवन लगा सपड़ावतोयिंग दोहोनता।

2 पतरस 1:12 Iomraidhean Croise

मूक चेलाकू 16:5

नानाः इया हंडाकुःआ बिसवासी होड़कू ईसू मसीराः बिसवासरेकू बड़ियाड़यान अरू मुरुक होड़कू ईसू एचेरेकू बिसवासतेरा।

पिलिपी 3:1

ने अजी बोपोहकूतिंग, ईंग अपे एचेरे अरूयिंग कतायतना। अपे ईसू मसी सुदा मिनीयान अते बहालतेपे दोहोन। ईंग मड़ंगिंग ओजाःतेरा हनानाः कता अपे लगा घड़ी घड़ी ओजाःगे लगा ईंग मेरिंग लंगानता। अरू ननानाः अते अपे लबरा चेडदार होड़कू अते बनसावतोपे दोहोनता।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

कुलूसी 2:7

अरू जेर गहीर सेनेकियानखन दुबीत बड़ियाड़गेता, हनन इया मसी बदीरेपे चेडकिया इया अपे बिसवासरे बड़ियाड़ इदीनपे, अरू भगवान बनागरापे धनियाबादगोड ञवन।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 1:6

हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

इबरानी 10:32

अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

2 पतरस 1:13

इनीसू मसी ईंग एचेरेय कताकेरा, आमराः सेर हलीते अधे वेगतना, माःआन।

2 पतरस 1:15

ईंग मुरुक मिहनइत घड़ीनिंग बुतातना, जेमहा ईंग गोएग जुवाः हना तयोमरे हों अपे नाःआ कताकून तोनोंगाः बेलारेपे उहियार अवेय।

2 पतरस 3:1

ने ईंगरिकुःआ अजी बोपोहकूतिंग, ईंग अपे लगा बार नमार चिठीयिंग ओजाःगेतना। नाःआ बनर चिठीते अपेराः सताय इंदरी एचे उहियार घड़ीनिंग कता बहालगेतना।

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।

1 एहुना 2:21

ईंग अपे सताय कता मेरपे सुदीयतना माःआन ओंगोलकेडखन मेरिंग ओओजाःतना। मनदो अपे सताय कतापे सुदीयतना माःआन ओंगोलकेडखनिंग ओओजाःतना। अपे नाःआ होँपे सुदीयतना सताय बड़राते तोनोंग लबरा कता मेर उडुंगगुःता।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

जूदा 1:17

मनदो ईंग अजी बोपोहकूतिंग, अबूरीग परबू ईसू मसीरिकुःआ मूक चेलाकू, मड़ंगरेकू कता उदुःतेरा हना कतापे उहियारगोड ञवन।

जूदा 1:3

ईंगरिकुःआ सउंगताकू, भगवान ईसू मसीते अबूय सडावकेरा हना बदीरे ओजाःगे लगा जमा बरानिंग कुरनिसतेरा। मनदो बिसवासी होड़कू एचेरे भगवान मिनी तुरहाय जिमावातेरा हना बिसवासपे संभाड़गे लगा जमा बरानाः कुरनिसगे लगा इदा। अरू नाःआ कता बदीरे अपे लगा ओजाःकेडखन अपे एचे कता बहालपे लगा नुँहूयिंग ओंगोल दोहोकेरा।

जूदा 1:5

अपे मड़ंगतेपे सुदीयतना, हना कता अपेयिंग एचे उहियार अगूपेतना। परबू इसराएल होड़कू मिसिरी देसराः बेगारी बुता अते सडावतेडकूखने एचे उडुंगतेडकुःआ, मनदो तयोमरे हाँय एचेरे मेरकू बिसवासगाड हँकुःआ होड़कूय लाय एंडागोतेडकू।