2 कुरिंती 8:4 - Korwa Bible

⁴ एरुसलेम सहररे इदानकुःआ भगवानरिकुःआ सुद होड़कूराः सेवारे बिहिरी एमेवाडखन मेसान लगा दोंगकू पवाः लगा अले एचेरे घड़ी घड़ीकू गोड़न-पइयना।

2 कुरिंती 8:4 Iomraidhean Croise

मती ओजाःतेरा भगवानराः नपाय सरवन 10:42

अपे ईंगपे अयूम! तोनोंगीग होड़ ईंगरिकुःआ चेलाकू अते मी होड़ हुडिंगीग चेला लगा दाः ञूय लगाय एमेवाय दो, हाँयग होड़ भगवान अगीते इमाने पनावाःता।”

मती ओजाःतेरा भगवानराः नपाय सरवन 12:50

सेरमो देसरे इदानिया ईंगरीग अपांगराः ओंगोल इयाकू जियाःता हँकुःआ होड़कू ईंग अया अरू बोपोकूतिंग अरू मेमेसकूतिंग हवे।”

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

मरकूस 14:7

गरीब होड़कू अपे सुदा जमा बेलाकू दोहोनता, मनदो ईंग अपे सुदा सगर दिन ओरोयिंग दोहोनेना।

मूक चेलाकू 11:29

दो हंडाकुःआ चेलाकू अँननकूराः पुंजी पसारकून एहूदिया छतररिकुःआ बिसवासी होड़कू संघरावाकू लगाकू एमेतेरा।

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 24:17

मुरुक बरिस तयोमरे ईंगरिकुःआ गरीब एहूदाकू संघरावाकू लगा अरू भगवान बलिदान देगगे लगा एरुसलेमरेयिंग सेनेडा।

रूमी 15:31

ईंग एहूदिया छतरिंग सेन मेला हंडाकुःआ बेगर बिसवासी होड़कू अते भगवान ईंगराः जीवे बनसावगे लगापे अरजीगे। अरू एरुसलेम सहररिकुःआ बिसवासी होड़कू ईंग इदीयता हना बिहिरीतेकू ननाय जुवाः लगा होँपे अरजीगोड ञवन।

1 कुरिंती 16:1

नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

2 कुरिंती 9:1

भगवानरिकुःआ सुद होड़कू लगा बिहिरी उतराव बदीरे अपे एचेरे ईंग ओओजाः लगा कोवानेःआ।

गलातिया 2:10

हँकू अले एचेरे मिनीटोंग कताकू कतातेरा, अपे गरीब होड़कूपे संघरावाकू लगापे उहियारगोड ञवन। अरू नाःआ बुता जमा बेला एचेय लगा ईंग इनिंग सपड़ावतोयिंग दोहोना।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।