2 कुरिंती 5:1 - Korwa Bible

¹ ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

2 कुरिंती 5:1 Iomraidhean Croise

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

2 कुरिंती 4:7

मनदो अले नाःआ मुरुक किमइतराः दहिन दोहोगेता हना हासराः बटुवा इया इदालेःआ। दो नाःआ अगामाः जंगर अले अगीते कोवान मनदो भगवान अगीतेले पवावकिया माःआन उदुःगेता।

इबरानी 9:11

दो नुँहू मसी, नाय नपाय कता-जमकावतोरीग मरंग मूक पुजउरी बड़ाँवकियानखने वेगकिया। हाँय मड़ंगाः टपइर ओड़ाः अते मरंग अरू बेगर गारबारराः टपइर ओड़ाःरेय बोलो पारयना। हना टपइर ओड़ाः तोनोंगीग होड़ मेरेय तुलागतेरा अरू हान नाःआ चउंदीसरे कोवानेःआ।

1 पतरस 1:4

अरू भगवान अनँयगरिकुःआ होड़कू लगा सेरमो देसरेय दोहोकेरा कहियो ओरो सेयानेना सहे ओरो बेलूरनेना सहे ओरो बदलावनेना हना इताड पवाः लगाबू असरागोड ञवनतना।

2 कुरिंती 5:4

अरू अबू नाःआ कुंबा इयाःआ देहरे इदानबू मेला कुहकाः घड़ीन बोझारे इदानबुःआ। नाःआ देह अबू अअटू लगा मेरबू चहाःता, मनदो सेरमो देसराः देह पवाः लगाबू चहाःतना, जेमहा गुजुः इयाःआ देह ओरो टुटीगनेना हना देहते बदलाव जुवाः।

मरकूस 14:58

नाँयग होड़ नाःआ इयाय कताया हनाले अयूमकेरा, तिःईतेकू तुलाकेरा हना भगवानराः ओड़ाः एचे रूब एंडागोडतिंग अरू तिःईते मेरकू तुलागरा एटाःआ ओड़ाः पेय दिनरेयिंग तुलागोडता, माःआन।

2 पतरस 3:11

नाःआ इया जमालेःआ पघलाव एंडान लगा इदा दो, अपे करा इया होड़कू बड़ाँः लगा इदा? अपे सुद लूर-नेवनतेःआ अरू भगवानराः ओंगोलरे बेगर गारबारतेःआ जीव जियाः लगा इदा।

कुलूसी 2:11

अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।

1 एहुना 3:19

नाःआते अबू सुदीयता अबू सताय भगवानरिकुःआ होड़कू हवे। भगवान अबूराः ओगोलते हों मरंग इदानिया अरू हाँय जमालेःआय सुदीयता।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।

इबरानी 11:10

ननन इया भनगवान अनँयग ओंगोल इया बड़ियाड़ते नेवकेडखने तुलातेरा हनानाः सेरमो देसराः सहर लगा इबराहीम टकागोड ञवना।

1 कुरिंती 3:9

दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

मूक चेलाकू 7:48

हनारे हों भाबी भगवान होड़कू तुलायता हना ओड़ाःरे मेरेय दोहोनता। भगवानराः बड़रा कतायीग होड़ कतातेरा हान इया,