2 कुरिंती 3:2 - Korwa Bible

² अलेराः इंदरीरे ओजाःतो इदा अरू जमा होड़कू सुदीयता अरूकू बछाःता हना चिठी अँननपे हवे।

2 कुरिंती 3:2 Iomraidhean Croise

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

1 कुरिंती 3:10

भगवान ईंगे मयावारा। हना अते ईंग मी होड़ ओड़ाः तुला मिसतिरी इया हना ओड़ाःराः नेविंग गडातेरा। अरू हना नेव सेरमो एटाः होड़कू भीटकू रेमतना। अरू बुतातनाकू हँकुःआ होड़कू ञेल थिताव घड़ीन तुलाय लगा इदा।

2 कुरिंती 11:11

अपे अते चिला लगा संघरा मेरिंग असेगाड? अपे मेरिंग दुलारपेता हनालगा जा? ईंग अपेयिंग दुलारता माःआन भगवान सुदीयताय।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 3:1

दो अले अँननले अले अरूले भल-भलायगुःता जा? एटाः होड़कू इया अलेके एचे सुदीगेराः चिठी अपे एचेरे वार लगा सहे अपे अते अलेके गोगोः लगा इदा जा?

2 कुरिंती 7:3

नाःआ कता अपे बदीगे लगा मेरिंग कतायतना। ईंग मड़ंगरेयिंग कताकेरा, अले अपे मिनी जीवतेले दुलारपेतना, जेमहा अले अपे सुदा गुजुः अरू जियाः लगा सपड़ावतो इदानलेःआ, माःआन।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

1 तिसलूनिका 1:8

दो अपे अते नाःआ बनर राइजरे परबू ईसू मसीराः नपाय सरवन एकला मेर सिंटावगना, मनदो अपेराः बड़ियाड़ बिसवास बदीरे हों एटाः एटाः देसरे सिंटावयना। हनालगा अपेराः बिसवास बदीरे तोनोंगीग एचेरे अले उदुःवाकू लगा तोनोंगाः जरूरी कोवानेःआ।