2 कुरिंती 2:7 - Korwa Bible

⁷ दो नुँहू हाँय अनँयगराः गारबारे कबुलावनेना। हनालगा अपे हाँयराः गारबार अपेराः ओंगोलतेपे बराव एंडागोड अरू हाँयराः जीवपे हड़ियाड़गोड, जेमहा हाँय मुरुक बगरा अलोय अदरुजीन।

2 कुरिंती 2:7 Iomraidhean Croise

1 कुरिंती 15:54

तयोमरे अबूराः नाःआ देह बदलाव जुवाःता अरू हना नँवा देह कहियो ओरो सेया लाय एंडानेना। नाःआ इया होयाः दो भगवानराः कागदरे ओजाःतो इदा हना सरवन पुराव जुवाःता। “भगवान जितावयना, दो नुँहू वरीते गुजुः रोंकावबाःयना।”

2 कुरिंती 2:8

हनालगा ईंग अपे एचेरेयिंग असेयतना, अपेराः दुलार हाँयपे एचे सुदीबाःगोडेय।

2 कुरिंती 5:4

अरू अबू नाःआ कुंबा इयाःआ देहरे इदानबू मेला कुहकाः घड़ीन बोझारे इदानबुःआ। नाःआ देह अबू अअटू लगा मेरबू चहाःता, मनदो सेरमो देसराः देह पवाः लगाबू चहाःतना, जेमहा गुजुः इयाःआ देह ओरो टुटीगनेना हना देहते बदलाव जुवाः।

2 कुरिंती 7:10

तोनोंगीग होड़राः जीव भगवान अगीते हुडिंग जुवाःतान दो हना हाँयराः जीव बदलावगोडता अरू हाँय सडाव जुवाःता। हनते अरू हाँयके पसताः मेर पराःता। मनदो चउंदीसरिकुःआ होड़कू अगीते तोनोंगीग होड़राः जीव हुडिंग जुवाःतान, मनदो अनँयगराः कसूरकून मेरेय कबुलाःतान दो हाँय गुनुजुःए पवाःता।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

पिलिपी 2:27

हाव, हाँय बेमारीरेय दोनोहोना अरू हाँयराः मड़ा महक उडुंगयान। मनदो भनगवान हाँये मयावातेरा। भगवान हाँय एकला कोवान, मनदो ईंग होंय मयावातेरा, जेमहा ईंगराः जीव अहा अदरुजीन।

कुलूसी 3:13

तोनोंगीग होड़ बदीगेय इयाःआ कता अपे एचेरे दोहोन दो अपे सहाव होड़ेंगगोड ञवन, अरू परबू अपेराः कसूरे बराव एंडाकेरा, हनन इया अपे हों कसूरपे बराव एंडा होड़ेंग।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

2 तिसलूनिका 3:6

ने अजी बोपोहकूतिंग, परबू ईसू मसी अले एचेरेय एमेकेरा हना हातपातते नाःआ हुकुमले एमेवापेतना। अले चेडतेडपेःआ हना कता तोनोंगीग होड़ मेरेय मनाःता अरूय कुड़हीतान दो, हाँयग होड़ अते तोरेपे दोहोन।