2 कुरिंती 11:2 - Korwa Bible

² भगवान अपे बदीरेय ओंगलेता हनन इया ईंग अपे बदीरेयिंग ओंगलेतना। ईंग अपे मिनीटोंग मरद, मसी सुदायिंग मंगा-बरागोतेडपेःआ, जेमहा अपे सुद डिंडा धंगड़ी इया मसी एचेरेयिंग जिमा अवेपे।

2 कुरिंती 11:2 Iomraidhean Croise

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

रूमी 7:4

ईंगरिकुःआ अजी बोपोहकूतिंग, हनन इया अबू ईसू मसी सुदाबू गोएगनेना। हनालगा नुँहू अपे भगवान ननायगे लगा मोसेस एमेकेरा हना मड़ंगाः नियमकूनराः बोझारे कोवापेःआ। ईसू गोएगतो होड़कू अते भगवान जियाव रेमकिरिया, जेमहा अबू हाँय लगा नपाय बुताबू बुता अवेय। अरू नुँहू अबू नाँयग ईसूरिकुःआ होड़कू हवे।

1 कुरिंती 4:15

अपे ईसू मसी बदीरेकू चेडपे लगा दस हजार चेडदारकू दोहोन हों, अपेरीग मिनीटोंग अपांग इदा। अपे एचेरे नपाय सरवनिंग कता उदुःतेरा अरू अपे ईसू मसी सुदापे मिनीयान अते ईंग अपेरीग अपांगिंग बड़ाँवयना।

2 कुरिंती 4:14

अले सुसुदीता परबू ईसू गोएगतो अतेय जियाव रेमतिरिया हनाँयग भगवान अले हों ईसू सुदाय जियाव रेमलेता अरू अनँयग लगा अनँयग मड़ंगरे अपे सुदाय एचे चड़ाँलेता।

गलातिया 4:11

दो अपे लगा ईंग सेसा-दुराकिया, हना सदाःआ होया जुवाःता माःआन ओंगोल खोबराः घड़ीन, अपे बदीरे ईंग जीव कुहकाःतना।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

1 तिसलूनिका 2:11

लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।