2 कुरिंती 1:4 - Korwa Bible

⁴ अबूराः जमा सकालाः कटसियारे भगवान अबूराः जीवे हड़ियाड़गोडता, जेमहा कटसियारे इदानकुःआ हँकुःआ होड़कूराः जीव अबू हों हड़ियाड़ अवेयबू।

2 कुरिंती 1:4 Iomraidhean Croise

एहुना 14:16

अरू ईंग अपांग एचेरेयिंग अरजीगेता अरू हाँय अपे लगा अरू एटाःयीग संघरादारे वारता। हाँय अपे कहियो ओरोय अड़ाःतेडपेःआ।

एहुना 14:18

ईंग टुरा लइंकू इया अपे एकला ओरोयिंग अड़ाःतेडपेःआ, मनदो अपे एचेरेयिंग कुदा वेगता।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

2 कुरिंती 7:13

नाःआ अते अलेराः जीव अपे बदीरे मुरुक हड़ियाड़यना। अलेराः जीव हड़ियाड़यना अरू तितूसराः जीव हों अपे अते अहाल-बहालयान अते अलेराः जीव अनउर हड़ियाड़यान।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

पिलिपी 1:14

ईंग जेहेलरे इदानिंगा, हनालगा बिसवासी होड़कू अते मुरुक होड़कू, भगवान एचेरे भरसातेडखन बेगर बोरते नपाय सरवन कता उदुःगे लगा अनउरकू डीड़यान।

1 तिसलूनिका 4:18

हनालगा नानाः कता घड़ीन अपे कता बहाल होड़ेंगगोड ञवनपे।

1 तिसलूनिका 5:11

हनालगा अपे नुँहू वरीपे एचेयतना, हनन इया अपे कता बहाल होड़ेंगगोड ञवनपे, अरू संघरा होड़ेंगगोड ञवनपे।

इबरानी 12:12

हनालगा अपेराः लर-लूर तिःई अरू अबड़ टोबोः सोझावगेपे।