2 कुरिंती 1:3 - Korwa Bible

³ सोगादार अपांग इदानिया अरू जमालेःआते अबूराः जीवे हड़ियाड़गोडता अबूरीग परबू ईसू मसीरीग अपांग भगवानराः जाग होयाः।

2 कुरिंती 1:3 Iomraidhean Croise

एहुना 10:30

ईंगरीग अपांग अरू ईंग मिनी हवे।”

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

2 कुरिंती 11:31

होड़कू सगर सइटकू जागगोड ञवनता अबूरीग परबू ईसूरीग अपांग भगवान सुसुदीतना ईंग मेरिंग लबरातना।

2 कुरिंती 7:6

मनदो हदरावतो होड़कू डीड़े एमेवाकूता हाँयग भगवान अले एचेरे तितूस वारकेडखन अलेराः जीवे अहाल-बहालगोतेड।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

कुलूसी 1:3

अपे लगालिंग अरजीतान मेला, अपे बदीरे परबू ईसू मसीरीग अपांग भगवान जमा बेलालिंग धनियाबादगेयता।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

2 एहुना 1:4

ईंग सुदीयतना आमरिकुःआ अदोम लइंकू भगवानराः सताय सरवन इया नपायतेकू जियाःतना। हँकुःआ होड़कू अपांग भगवान कतातेरा हना नियम इयाकू एचेयतना। हनालगा ईंग मुरुक बहाल इदानिंगा।

2 एहुना 1:9

ईसू मसी चेडतिरिया हना सरवन बदलाकेडखन एटाः इयाय चेडकूता अरू सताय सरवन इया मेरेय सलाःता हाँयग होड़ भगवान सुदा अनसिनहारे दोहोनता। मनदो ईसू मसीराः सताय सरवन इयाय सलाःतना हाँयग होड़ भगवान अरू ईसू मसीरीग होड़े दोहोनता।