1 तिमुतियूस 6:4 - Korwa Bible

⁴ हाँय बड़वार होड़ हवे अरू तोनोंगाः मेरेय सुदीयता। हाँयग होड़ भगवानराः सरवनराः मेमेडटोंग लबदरे बेलूर ओंगोलते कता होड़ेंग लगाय मंजूरवाता। नाःआते होड़कू इरा होड़ेंगता, कड़ी होड़ेंगता, तूड होड़ेंगता अरू बेलूर बेलूरकू जाः होड़ेंगता।

1 तिमुतियूस 6:4 Iomraidhean Croise

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 18:15

मनदो अपे तोनोंग तोनोंग लबदकून, ञावकून अरू अपे एहूदाकूराः नियम बदीरेपे कतायतना दो, अपे अँननपे अपे नाःआ कतापे फड़ियावगे। नाःआ इयाःआ कता फड़ियावगे लगा ईंग ओरोयिंग दोहोनेना।”

मूक चेलाकू 8:9

दो हना सहररे मी होड़ होड़ दोहोना। हाँयराः ञाव दोहोना सिमोन। हाँय तोनोंग बेला वरी समरिया छतररिकुःआ होड़कू एचेरे बरा रूपी एचेतेडखने एचे बयावतेडकुःआ अरू हाँय अनँयग बदीरे होड़कू एचेरेय बड़वारा।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

रूमी 14:1

ईंगरिकुःआ अजी बोपोहकूतिंग, बिसवासरे अबड़ इदानकुःआ, हँकुःआ होड़कू अहापे आड-बेकारवाकू अरू हँकू जाःता हना कताकून बदीरे, अपे अहापे अड़ा-चउकीःआ।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

1 कुरिंती 11:16

नाःआ कता बदीरे तोनोंगीग अड़ा-चउकी दो ईंग कतायतना, अले अरू भगवानराः कलसियारिकुःआ होड़कू एचेरे तोनोंगाः एटाः रिती-बिधी कोवानेःआ।

1 कुरिंती 11:18

ईंग अपे बदीरे मड़ंगिंग अयूमकेरा, अपे मिनीरेपे जुमाःतान दो अपे तलारे हिगार हटिंग होयाःता। ईंग नाःआ कता सताय हवे माःआन हुडिंग हुडिंगिंग बिसवासगेतना।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

2 कुरिंती 11:20

हँकू अपे बेगारी होड़कूकू बड़ाँवगोडपेता, अरूकू अडिग एंडागोडपेता, अरू अपे अते नफाकू उडुंगता, अरू अपे मड़ंगरे हँकू अँननकू मरंगकू बड़ाँःता, अरू अपेकू चपड़ता हों अपे हँकूपे सहावयाता।

गलातिया 5:15

मनदो अपे कुतुकू इयापे सोबाड़ होड़ेंग दो अपे अँननपे अपे लायगुः अते सवासितीपे दोहोन।

गलातिया 5:26

हनालगा अबू बड़वार होड़कू अरू बिरझाव होड़कू अरू इराताकू हँकुःआ होड़कू इया अहाबू होयाः।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

पिलिपी 1:15

तोनोंग तोनोंग होड़कू ईंगराः इराते अरू अड़ा-चउकीते ईंग अते अँननकू मरंग बड़ाँः लगा नपाय सरवनकू परसारगेतना। मनदो एटाः होड़कू नपाय ओंगोलतेकू परसारगेतना।

पिलिपी 2:14

जमा इयाःआ बुता बेगर कुरबुराःते अरू बेगर अड़ा-चउकीतेपे बुता।

पिलिपी 2:3

अपे एटाः होड़कू अते मरंगपे बड़ाँः लगा अरू अपे बड़वारगुः लगा, तोनोंगाः अहापे एचेय। मनदो अपे अँननपे अपे हुडिंग ओंगलुः घड़ीन, एटाः होड़कू अपे अते मरंगपे ओंगोलकू।

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

1 तिमुतियूस 1:4

तुलात कहड़ीकून अरू खुटिपहार होड़कूराः ञाव सूची बदीराः बड़राकूनरे हँकुःआ होड़कूराः ओंगोल अलो दोहोन लगाम हुकुमवाकू। ननन इयाःआ कताकून बिसवासते होयाःता हना भगवानराः चेड इया कोवानेःआ अरू हना अते होड़कू मुरुककू अड़ा-चउकीता।

1 तिमुतियूस 1:7

हँकुःआ होड़कू नियम चेडदार होड़कू बड़ाँः लगाकू चहाःतना अरू डीड़ घड़ीन मरंग मरंग बड़राकू बड़राता। मनदो हँकू मेनेरकू सुदीयता हँकू चिला बदीरेकू पकियागेता अरू चिलाकू बड़रातना हना।

1 तिमुतियूस 3:6

हाँय नँवा बिसवासी होड़ अलोय दोहोन, जेमहा हाँय बड़वारकियानखन कलउ पवावकिया हना इया डंड भगवान अगीते अलोय पवाः।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

2 तिमुतियूस 2:23

कड़ीगकू रिमुःता हना सदाःआ अरू अनभनिया कता होड़ेंग अते तोरेम दोहोन।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

तितूस 3:9

मनदो अड़ा-चउकीकू रिमुःता हना बेलूर बड़रा अरू खुटीपहारराः सदाःआ कहड़ीकून अरू एहूदाकूराः नियम बदीरे कड़ीग अरू बेलूर बेलूर कता होड़ेंग अते आम तोरेम दोहोन। नाःआ इयाःआ बड़राकून बेगर लूर इदा अरू तोनोंगाः नफा ओरो होयानेना।

एकूब 1:19

ईंग अजी बोपोहकूतिंग, अपे नाःआ कतापे सुदीगोड। अपे अअयूम लगा ओसताजपे दोहोन अरू टेड़ा-चुवा अलोपे बड़रा सहे अपेराः रीस ओहेन अलोपे देग ओवा।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

उदुःतो कताकून 3:17

अपे कतनता, अले मुरुकले अदेरवाना अरू गिरहत इदानलेःआ। अले एचेरे तोनोंगाः जिनिस हुडिंग बगरा कोवानेःआ। मनदो अपे मेरपे सुसुदीता, अपे हदरावतो, अरू होड़कू ञेल सोगनता हना इया, अरू गरीबकू, अरू अंधाकू अरू एकेते इदानपेःआ।