1 तिमुतियूस 5:5 - Korwa Bible

⁵ सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।

1 तिमुतियूस 5:5 Iomraidhean Croise

लूका 18:1

हना तयोमरे ईसू आँयग चेलाकू एचेरे मीटोंग अउल-तउल कहड़ीय कता उदुःतेरा, जेमहा हँकू सगर बेलाकू अरजीगे अरू भगवान एचेरेकू भरसा हड़ाःगे।

लूका 18:7

भगवान सुनावकेडकुःआ हँकुःआ होड़कू दिन रइत भगवान संघरावाकू लगाकू अरजी दो, भगवान हँकू ओरोय संघरावतेडकुःआ जा? हँकू संघरावकू लगा भगवान कुबेरगेताय जा?

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

मूक चेलाकू 26:7

अलेराः बारहगोटोंग गोतोरिकुःआ होड़कू नाःआ जबान होनोयाः लगा जमा इंदरीते दिन रइत भगवान सेवा घड़ीनकू असरागोड ञवनतना। ने राजा, ननानाः असरा बदीरे एहूदा मूक होड़कू ईंगकू जाःता।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

मूक चेलाकू 9:39

दो पतरस हँकिन सुदाय सेनेडा। अरू हाँय हंडाय सोदोरनेन दो हँकू हाँय हना ओड़ाःराः सेरमो दोहोना हना छिनारेकू गोःतिरिया। हंडा मुरुक रंडियाहीनकू दोहोना, अरू हँकू हाँयग तबीता, हँकू सुदा दोहोन मेला हँकू लगाय सोःतेरा हना सोनहे, पतरस एचेरेकू उदुःतेडखन फिकीर घड़ीनकू इयामा।

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

रूमी 1:12

ईंगराः ओंगोल नाःआ इया इदा; ईंग अपे सुदायिंग जुमाः मेला। अबूराः बिसवासते अबू जमाकू कता-बहाल होड़ेंग अवेनबू।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

1 कुरिंती 7:32

अपे चउंदीसराः कताकून बदीरे अलोपे ओंगोल कुहकाः लगायिंग चहाःतना। डिंडा होड़कू परबू ननायगेय लगाकू ओंगोल कुहकावगोड ञवनता।

1 कुरिंती 7:34

हनालगा हँकू जीव बार बंटा दोहोनता। हनन इया डिंडा धंगड़ीकू अरू मेरकू बियाहगना हँकुःआ अइमीकू, परबूराः कताकून बदीरेकू ओंगोल कुहकावगोड ञवनता। हँकू अँननकूराः देह अरू इंदरी भगवान लगा जिमा घड़ीन सुद जीवकू जियाःता। मनदो बियाहतो अइमीकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ मरदकू ननायकू लगाकू ओंगोल कुहकावगोड ञवनता।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

1 तिमुतियूस 2:1

ने तिमुतियूस, मीटोंग मइद कता ईंग आम एचेरेयिंग असेयतना, जमा होड़कू लगा भगवान एचेरे अरजीकेडखन हँकू लगाम असेय अरू हँकू बदीरे भगवानमे धनियाबाद।

1 तिमुतियूस 5:16

तोनोंगीग बिसवासी अइमीराः ओड़ाःरे रंडियाहीन इदान दो हाँय हनाँयग रंडियाहीने संघरावा अरू हाँयराः जिमेवारी कलसियारिकुःआ होड़कू एचेरे अहाय एमेय। हनाते कलसियारिकुःआ होड़कू सतायरे रंडियाहीनकू इदानकुःआ हँकूकू संघरा अवेवाता।

1 तिमुतियूस 5:3

सतायरे रंडियाहीनकू इदानकुःआ हँकूपे मान मरजइतकू अरूपे संघरावाकू।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

1 पतरस 3:5

भगवान एचेरेकू असरातेरा हँकुःआ मड़ंग जूगरिकुःआ सुद अइमीकू, ननन इया अँननकू अँकू सिंगारनेना अरू अँननकूरिकुःआ हेपेरेलकूराः आड़रेकू दोहोना।