1 तिमुतियूस 5:14 - Korwa Bible

¹⁴ हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

1 तिमुतियूस 5:14 Iomraidhean Croise

रूमी 14:13

हनालगा अबू एटाः होड़कू अरू अलोबू बदीकू। मनदो अबू अँननबू अबू ओंगोल बुझावबाःगुः लगा इदा, ईंग तोनोंगीग होड़राः बिसवास दूर अते हाँय बहकावगेय लगा अलोयिंग रेडगेय, माःआन।

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

1 तिमुतियूस 2:8

हनालगा ईंग चहाःतना जमा ततेररे कलसियारिकुःआ मरद होड़कू बेगर रीसते अरू बेगर अड़ा-चउकीते अँकूराः सुद तिःईकून सेरमो अगी पेरेकेडखनकू अरजी।

1 तिमुतियूस 4:3

हँकुःआ लबरा होड़कू, होड़कू बियाहगुः अते अरू तोनोंग तोनोंग जिनिसकून जोम अतेकू रोंकावकूता। मनदो भगवान जमा जोम जिनिसकून, सतायकू सुदीयता हँकुःआ बिसवासी होड़कू, हाँय जागगेय घड़ीन जोम लगाय तुलाकेरा।

1 तिमुतियूस 5:11

धंगड़ी रंडियाहीनकूराः ञाव हना सूचीरे अहम ओजाःगे। हँकू दो ललची ओंगोलते पेरेगकियानखन ईसू मसी एकलाकू सेवायता माःआनकू जबानकता हना जबान मेरकू पुरावगेता अरू सगइगुः लगाकू चहाःता,

1 तिमुतियूस 6:1

बिसवासी बेगारी होड़कू अँननकूरिकुःआ मालिककू मान मरजइतकू लगा इदा, जेमहा भगवानराः ञाव अरू अलेराः चेड बदीरे तोनोंगीग अलोकू ओपता अवे।

तितूस 2:5

अरू अँननकूराः जीव संभाड़गे घड़ीन सुद अरू नपाय जीव जियाः लगा अरू ओड़ाः बुता नपायते ञेल संभाड़गे लगा अरू अँननकू हेपेरेलकूराः आड़रे दोहोन लगाकू चेड अवेकू। नाःआते एटाः होड़कू भगवानराः सरवन ओरोकू ओपता अवेतेरा।

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।