1 तिमुतियूस 4:4 - Korwa Bible

⁴ भगवान तुलाकेरा हना जमा जिनिसकून ननपाय इदा अरू भगवान धनियाबाद घड़ीनबू जोमता दो, तोनोंगाः जिनिस लुलुंबाड़ लगा कोवानेःआ।

1 तिमुतियूस 4:4 Iomraidhean Croise

मूक चेलाकू 10:15

हना अते अरू मीटोंग बड़राय अयूमतेरा, “भगवान तोनोंगाः जिनिस सुदे तुलाकेरा अरू हना सुद कोवानेःआ माःआन अहम कतावा।”

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

मूक चेलाकू 21:25

मनदो बेगर एहूदा बिसवासी होड़कू अबू ओंगोल रायनेना हनाले ओजाः इदीतेरा, अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम लगा कोवानेःआ, अरू सनहा-सनहीते तोरे दोहोन लगा इदा, माःआन।”

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:20

भगवान एचेकेरा हना बुता जोम जिनिस लगा अलोम आडगे। जमा जोम जिनिसकून नपाय इदा, मनदो आम तोनोंगाः जिनिस जोम अते एटाः होड़राः बिसवास अबड़ जुवाःता दो आम गारबारगेतना।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

1 कुरिंती 10:23

अपे अते तोनोंगीग कतायता, जमालेःआ एचेय लगा हकतियार ईंग एचेरे इदा, माःआन। मनदो ईंग हना कतारे रायरे कोवायिंगा। जमा दो नफा पवाः लगा अरू संघरावाकू इया कोवानेःआ।

1 कुरिंती 10:25

बजाररेकू अकिरिंगगेता हना तोनोंगाः मासपे किजा जोम। नाःआ मास तोनोंगाः मुरतीराः देगतो मास हवे जा कोवान, माःआन अहापे ओंगले सहे तोनोंगीग एचेरे अलोपे होंबरे।

1 कुरिंती 10:26

भगवानराः कागदरे नाःआ इया ओजाःतो इदा, “चउंदीस अरू नंडा जे हों सकालाः इदा हना पनरबूराः हवे।” हनालगा अबू हना मासबू जोम अवेयता।

1 कुरिंती 10:30

ईंग तोनोंगाः जिनिस जोम अते मड़ंग भगवानिंग धनियाबादता। दो ईंग धनियाबादगेयता हना जिनिस बदीरे चिला लगा ईंगराः बदी होयाःता?

1 तिमुतियूस 4:3

हँकुःआ लबरा होड़कू, होड़कू बियाहगुः अते अरू तोनोंग तोनोंग जिनिसकून जोम अतेकू रोंकावकूता। मनदो भगवान जमा जोम जिनिसकून, सतायकू सुदीयता हँकुःआ बिसवासी होड़कू, हाँय जागगेय घड़ीन जोम लगाय तुलाकेरा।