1 तिमुतियूस 3:13 - Korwa Bible

¹³ नपायते सेवकिया बुताय बुताता हाँयग होड़, एटाः होड़कू मान मरजइतगेयता। अरू हाँय ईसू मसी एचेरे इदा हना बिसवास बदीरे एटाः होड़कू एचेरे डीड़केडखने कता उदुः अवेयता।

1 तिमुतियूस 3:13 Iomraidhean Croise

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

लूका 19:17

मालिक हाँयग सेवकिया होड़ भलावातेडखने कताया, आम मुरुक नपायतेम बुताकेरा। आम गुनमिनाःरे बिसवासगेयीगमे दोहोना। नुँहू आम दसटोंग सहररीग हातपात होड़मे बड़ाँव जुवाः, माःआन।

मूक चेलाकू 21:35

दो पउलूस सीड़ही वरीकू अगूतिरिया दो होड़कूराः कड़ीग मुरुक होयानेन अरू हनाते सइनाकू हाँय रेम गोःगेय लगा हँकूके परावयान।

मूक चेलाकू 6:15

हनमेला मरंग पंचाइतरेकू दुड़ुःनेना, हँकुःआ जमा होड़कू इसतपनूसकू कोबोःआ अरू इसतपनूसराः सुरइत सेरमो देसरीग बराहीलराः सुरइत इयाकू ञेलतेरा।

मूक चेलाकू 6:5

दो नाःआ कतारे जमा बिसवासी होड़कू मंजूरयान। हनते बिसवासी होड़कू मुरुक बिसवासगेयीग अरू सुद बिरुवाते पेरेगतो इदानिया हाँयग इसतपनूस, पिलिपूस, पोरोकुरूस, नीकानोर, तीमोन, परमिनास अरू मड़ंगरे एहूदा धरमरेय बोलोनेना हाँयग अंतकिया सहररीग निकुलाउस, नँकुःआ होड़कूकू सुनावतेरा।

मूक चेलाकू 6:8

दो इसतपनूस भगवानराः मया अरू जंगरते मुरुक बयाव जुवाः इयाःआ बुताकून अरू ञेनेल ञेलरे होड़कू नपाय जुवाःता हना बुताकून इसराएल होड़कू एचेरेय एचेतेरा।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

पिलिपी 1:14

ईंग जेहेलरे इदानिंगा, हनालगा बिसवासी होड़कू अते मुरुक होड़कू, भगवान एचेरे भरसातेडखन बेगर बोरते नपाय सरवन कता उदुःगे लगा अनउरकू डीड़यान।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

1 तिमुतियूस 3:14

आम एचेरे ओहेन सेन लगायिंग असरातना। हनते हों ईंग नाःआ जमाकूनिंग ओजाःगेतना,

2 तिमुतियूस 2:1

दो ईंग बेटा तिमुतियूस, ईसू मसी आमे मयावारा, हनाते आम जीव बड़ियाड़ इदीनमे।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।