1 तिमुतियूस 3:11 - Korwa Bible

¹¹ कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

1 तिमुतियूस 3:11 Iomraidhean Croise

मती ओजाःतेरा भगवानराः नपाय सरवन 4:1

हना तयोमरे सुद बिरुवा ईसू टयंगाब ततेर अगी अगुवाइतिरिया। अरू हंडा कलउ ईसू अंदजावगेय लगाय दोहोना।

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

रूमी 1:29

हँकूराः जीव जमा बरानाः कसूरते, बेलूरते, लुभियाते, टेनसाहाते, इराते, कड़ीगते, ञेड एंडाते, चुबली होड़ेंगते, बेलूर लूर-नेवनते अरू ओपता बड़राते पेरेगतो इदा।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

2 तिमुतियूस 3:3

हँकू एटाःकू ओरोकू अलार-दुलारतेडकुःआ अरू सलसतिया होड़कू मेरकू दोहोनता, एटाःकू बेगइतकू कतावाकूता अरू ओंगोल समझाः घड़ीन ओरोकू दोहोनेना। हँकू जमा इयाःआ नपाय कताकू एरांगवाता अरू तुड़ेंग-तपेग होड़कू होया जुवाःता।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

तितूस 2:3

ननन इया सपायाड़ीनकू हों भगवानराः अकूस मनाः घड़ीन बझउड़ी अरू दरुवाहा अइमीकू अलोकू होयाः। मनदो भल-भलाय कताकून एटाःकू चेडकू लगा इदा,

तितूस 3:2

हँकू तोनोंगीग बदीरे ओपता बड़रा अलोकू कताय लगा अरू कड़ीग अड़ाःकेडखन सलसतते सुधिया होड़कू बड़ाँः लगा होंम कता उहियारगोड ञवन।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।