1 तिमुतियूस 3:1 - Korwa Bible

¹ तोनोंगीग होड़ कलसियारीग मूक होड़ बड़ाँः लगाय चहाःता दो, हाँय नपाय बुता एचेगे लगाय चहाःतना। अरू नाःआ कता सताय हवे।

1 तिमुतियूस 3:1 Iomraidhean Croise

लूका 15:10

दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।

मूक चेलाकू 1:20

दो पतरस अरूय कतातेड, “सेरेंगकून कागदरे नाःआ इया ओजाःतो इदा, हाँयरिकुःआ जमाकू नरी नठी एंडा जुवाःकू, अरू हँकू तोनोंगीग हना ओड़ाःरे अहाकू दोहोन। अरू तोनोंगीग हाँय बदला हाँयराः मूक बुताय गोःगे

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

रूमी 11:13

दो नुँहू, अपे बेगर इसराएल होड़कू, ईंगपे अयूम। अपे बेगर इसराएल होड़कू लगा भगवान ईंग मूक चेलाय बड़ाँवकिडिंगा। हनालगा ईंग नाःआ सेवा मरंगिंग ओंगलेतना,

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

1 तिमुतियूस 1:15

कसूर होड़कू सडावकू लगा चउंदीसरे ईसू मसी वेगनेना, अरू नाःआ कता सनाताय अरू जमाःलेःआते मनाः जुकूर इदा। अरू जमा कसूर होड़कू अते मरंगीग कसूर होड़ इनिंग इदानिंगा।

1 तिमुतियूस 4:9

नाःआ बड़रा सनाताय हवे अरू जमा होड़कू बेगर जाःते बिसवासगे लगा इदा।

2 तिमुतियूस 2:11

नाःआ कता सताय इदा, अबू ईसू सुदाबू गोएगयान दो, अबू हाँय सुदा जिनियतबू दोहोनता।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

1 पतरस 2:25

मड़ंग अपे भेड़ाकू इया बेगर सरवाहातेपे दँड़ा हड़ाःआ, मनदो नुँहू अपे अपेरीग सरवाहा अरू तिहादार एचेरेपे कुदा वेगकिया।

1 पतरस 4:15

अपे अते तोनोंगीग ञेड एएंडा होड़, सहे इनिग होड़, सहे लुड़ी होड़, सहे तुड़ेंग-तपेग होड़ होयाः अते कटसिया अहापे सहवे।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।