1 तिमुतियूस 1:19 - Korwa Bible

¹⁹ बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 1:19 Iomraidhean Croise

मती ओजाःतेरा भगवानराः नपाय सरवन 6:27

अपे अते इये ओंगोल कुहकाः घड़ीन अनँयगराः उमइर मी घंटा होंय बडे अवेयता?

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

गलातिया 5:4

मोसेसराः नियमकून मनावकेडखन भगवानराः ओंगोलरे बेगर गारबार होड़ बड़ाँः लगाय ओंगलेतना, हाँयग होड़ ईसू मसी अतेय हिगारयना अरू भगवानराः मयाय आड-बेकारवारा।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिमुतियूस 3:9

भगवान अबूय उदुःवातेरा हना बिसवास बदीराः सताय चेडतो हँकुःआ होड़कू नपाय इंदरीतेकू बिसवास हड़ाःगे लगा इदा।

1 तिमुतियूस 6:12

बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

1 तिमुतियूस 6:21

अदोम होड़कू हँकुःआ होड़कूराः लबरा बड़राकू मनावयना अरू हनन अते हँकू बिसवासराः दूरकू अड़ाःगोतेडा। भगवान अपे जमाकूय मयावागोड ञवन।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

2 तिमुतियूस 2:18

नँकिन सताय दूरकिन अड़ाःगोतेडा अरू होड़कू एचेरेकिन कतायता, गोएगनेनाकू हँकुःआ बिसवासी होड़कू भगवान जियाव रेमगोतेडकुःआय, माःआन। अरू हँकिनराः बड़राते मुरुक होड़कूराः बिसवास आड जुवाःता।

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

तितूस 1:9

हाँय अलिंग चेड उदुःकेरा ईसूराः सताय सरवनरे बड़ियाड़ बिसवासगे इदा, जेमहा हाँय जमाकू सताय सरवने चेड अवेकू अरू सताय सरवनकू घंटावता हँकुःआ होड़कूराः आहे रिपूड अवे।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।