1 तिमुतियूस 1:11 - Korwa Bible

¹¹ अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

1 तिमुतियूस 1:11 Iomraidhean Croise

लूका 2:14

“सेरमो देसरे इदानिया हाँयग भाबी भगवानले जागतना। भगवान ननायकूता हँकुःआ होड़कू लगा हाँय सलसते एमेता।”

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

गलातिया 2:7

मनदो हँकुःआ होड़कू सुदीगोतेड, नपाय सरवन एहूदाकू एचेरे परसार उदुःगे लगा भगवान पतरसे वारकिरिया। हनन इया बेगर एहूदाकू एचेरे भगवान पउलूसे वारकिरिया, माःआन।

इपीसी 1:12

अले एहूदाकू, ईसू मसी एचेरे मड़ंगरेले असराकेरा, जेमहा अले अते हाँयराः मान मरजइत अरू जाग होयाः।

इपीसी 1:6

जेमहा आँयगरीग दुलार बेटातते अबूराः जीवरे आँयगराः अगम नपाय मया मिनी जीवतेडखने ओवाडबुःआ हाँयग भगवानराः जाग होयाः।

इपीसी 2:7

जेमहा दरवाःआ हना जूगरिकुःआ होड़कू एचेरे, ईसू मसीते अबू लगा इदा अरू ओरोबू अउल-तउल अवेतेरा भगवानराः हना अलबइद मया बदीरेय एचे उदुःवाकू।

इपीसी 3:10

भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

1 तिमुतियूस 6:15

राजाकूरीग राजा अरू परबूकूरीग परबू, जनागगेयीग मिनीटोंग भाबी भगवान तोल दोहोकेरा हनानाः दिनरे ईसू मसी कुदा वेगता।

1 तिमुतियूस 6:20

ने तिमुतियूस, भगवान आम एचेरेय जिमाकेरा हना नपायतेम जतन हड़ाःगे। बेगर लूर बड़रा अरू कनहून माःआन लबरातेकू कतनता हना जमा कताकूनते तोनोरेम दोहोन।

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

2 तिमुतियूस 1:14

अबू जीवरेय दोहोनता, हाँयग भगवानराः सुद बिरुवाते आम एचेरेय जिमाकेरा हना सताय सरवनमे जतनगे।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

तितूस 1:3

अरू अबूरीग सडावदार भगवानराः हुकुमते तोल दोहोत बेलारेय जिमावरिंगा अनँयगराः नपाय सरवन ईंगराः परसारते हनानाः असरा होड़कूय एचे सुदीकेडकुःआ।