1 तिमुतियूस 1:10 - Korwa Bible

¹⁰ सनहा-सनही होड़कू अरू बेगर खापरे बुताकू एचेयता हँकुःआ होड़कू लगा, होड़ अकिरिंग होड़कू अरू जलिया होड़कू, लबरा हिदइतदारकू अरू सताय चेडतोकू घंटावता हँकुःआ जमा होड़कू लगा नियमकून इदा।

1 तिमुतियूस 1:10 Iomraidhean Croise

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

रूमी 1:26

दो भगवान हँकुःआ होड़कू अँकूराः एरंगाः ओंगोल इया एचे लगाय अड़ाः एंडागोतेडकुःआ। अँकूरिकुःआ अइमीकू हों नपाय लूर-नेवन अड़ाःकेडखन, अनइमी अइमीकू गेतेग जुमाःआ।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

1 तिमुतियूस 6:3

भगवानराः ओंगोल इयाबू जियाव अवेनता हना चेडरे, अरू अबूरीग परबू ईसू मसीराः सताय सरवनरे तोनोंगीग मेरेय रायगुःता, अरू नाःआ अते एटाः इयाःआ चेड होड़कूय चेडता दो,

2 तिमुतियूस 1:13

आम ईंग अतेम अयूमकेरा हना सताय चेड इया ईसू मसी एचेरे बिसवासगे घड़ीन अरू अलार-दुलार घड़ीनमे सनालाव ञवन।

2 तिमुतियूस 4:3

भगवानराः सताय सरवन अयुमे लगा होड़कू ओरोकू पतियावातेरा हना दिन निचकाःतना। मनदो अँननकूराः हिछा इयाःआ बड़रा अयूम लगाकू चहाःता अरू हनन इयाकुःआ चेडदार होड़कूकू ञाम अगुकूता।

तितूस 1:13

हाँयराः हिदइत दो जनामा सताय हवे। हनालगा आम हँकुःआ लबरा बड़रा होड़कू नपायतेम डंटावगोड ञवान, जेमहा होड़कू ईसूराः सताय सरवनरेकू बड़ियाड़ जुवाः

तितूस 1:9

हाँय अलिंग चेड उदुःकेरा ईसूराः सताय सरवनरे बड़ियाड़ बिसवासगे इदा, जेमहा हाँय जमाकू सताय सरवने चेड अवेकू अरू सताय सरवनकू घंटावता हँकुःआ होड़कूराः आहे रिपूड अवे।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।

उदुःतो कताकून 18:13

सेबेल बकला, मसाला, सकला, इतर, लसा, दारू, सुनुम, मइदा, गोहोम, उरिगकू अरू भेड़ाकू, घोड़ाकू अरू रंतकून, बेगारी होड़कू अरू मनुवाकूराः जीव।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।