1 तिसलूनिका 5:5 - Korwa Bible

⁵ अबू अंदरारेकू सलाःता हँकुःआ रइतरिकुःआ होड़कू कोवाबुःआ, मनदो अबू जमाकू मरसलरेकू सलाःता हँकुःआ दिनरिकुःआ लइंकू इदानबुःआ।

1 तिसलूनिका 5:5 Iomraidhean Croise

लूका 16:8

दो कमचोर जिमेवारी होड़ चिलाय एचेकेरा हना हाँयग मालिक अयूमतेड अरू हाँय राःकेडखन हाँय एचेरेय कताया, आम ओंगोल चुवेरकेडखनमे एचेकेरा, माःआन। दो ईसू कताया, “चउंदीसरिकुःआ होड़कू अँननकूरिकुःआ होड़कू सुदा लेन देनरे भगवानराः राइजरिकुःआ होड़कू अते बगरा ओंगोल चुवेरकेडखनकू एचेयता।”

एहुना 12:36

मरसलरिकुःआ लइंकू होयाः लगा मरसल अपे सुदा इदान मेला हनारेपे बिसवासगोड ञवन।” नाःआ कतातेडखन ईसू सलावयाने अरू हँकुःआ एहूदाकू अते एनेकलाय दोहोना।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

1 एहुना 2:8

हनते हों ईंग मीटोंग नँवा नियमयिंग ओओजाःतना। कसूरराः अंदरा हुडिंगगुःतना अरू भगवानराः सताय कता मरसल इया विड़चेड़ लगा बुँहड़ीयना। हनालगा हना नियम ईसू मसी एचेरे सताय दोहोनता हनन इया अपे एचेरे हों सताय दोहोनता।