1 तिसलूनिका 4:6 - Korwa Bible

⁶ नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।

1 तिसलूनिका 4:6 Iomraidhean Croise

मरकूस 10:19

आम भगवानराः नियमकूनमे सुदीयतना। हना नियमरे नाःआ इया ओजाःतो इदा, अलोपे सनहा-सनही, अलोपे ञेड एंडाकू, अलोपे इनिगगे, लबरा हिदइत अलोपे एमेय, अलोपे अडिग जोम, अरू अपे एंगा-अपापे मान मरजइत।”

लूका 12:5

अपेके इये सुदा बोर लगा इदा, हनायिंग उदुःवापेता। अपे भगवानपे बोरोवा, हनाँय एचेरे अपेराः देह अरू जीव बनर नरगरे सोलोंगे लगा हातपात इदा।

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

रूमी 12:19

भगवानराः कागदरे परबू कतायतना, बदला कुदाय लगा ईंग इदानिंगा, अरू इनिंग बदलायिंग कुदायता। हनालगा ईंगरिकुःआ अजी बोपोहकूतिंग, अपे अँननपे अपे बदला कुदाय लगा ओंगोल दोहोकेडखन अलोपे दिरुवागोड ञवन।

रूमी 13:4

अपेराः जीवरे नफा होयाः लगा हँकू भगवानरिकुःआ सेवकिया होड़कू इयाय सुनाव दोहोकेडकुःआ। मनदो अपे बेलूर बुताकूनपे एचे दो, हँकू भगवान अगीते अपे डंडियावपे लगा हातपातकू पवावकिया। हनालगा अपे हँकू सुदापे बोर।

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

गलातिया 5:21

इरा अरू बुनूलतो, लिमचोर-लमचोर, अरू नाःआ इयाःआ एटाः एटाः बेलूर बुताकून इदा। नाःआ जमाकूनराः बदीरे अपे मड़ंगरेयिंग सेतावतेडपेःआ अरू नुँहू होयिंग सेतावपेतना। नाःआ नाःआ इयाकू एचेयता हँकुःआ होड़कू तोनोंगीग भगवानराः राइजरिकुःआ इताडदारकू ओरोकू बड़ाँव अवेनेना।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

1 तिसलूनिका 2:11

लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,

2 तिसलूनिका 1:8

अरू भगवान मेरकू सुदीयतना अरू परबू ईसूराः नपाय सरवन मेरकू मनाःतना, हँकुःआ होड़कू भगवान डंडियावकूताय।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

इबरानी 2:6

मनदो भगवानराः कागदरे तोनोंगीग नाःआ इयाय ओजाःकेरा; “आम मनुवाराः बदीरेम ओंगोलगे लगा हाँय इये हवे, अरू मनुवारीग बेटात चिला लगाम तिहा हड़ाःगेयता?

एकूब 2:6

अपे गरीब होड़कूराः जीवपे एचे बेग-हताकेरा। मनदो गिरहत होड़कू ना लवे जा अपेकू सिकिसतापेता अरू कोट कछेरीरेकू गोः इदीपेता?

एकूब 5:4

अपेराः हुड़ुकू ईरतेरा हँकुःआ मंजुरियाकूराः बनी मेरपे एमेवागाडकू। अयुमेपे। हँकुःआ होड़कू अपे बदीरे खिररी घड़ीनकू लालिसगेतना अरू हँकूराः खिररी परबू भाबी भगवान अनायूमगोतेरा।