1 तिसलूनिका 4:1 - Korwa Bible

¹ टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 4:1 Iomraidhean Croise

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

मूक चेलाकू 20:27

हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

रूमी 8:8

अरू हँकुःआ होड़कू भगवान ओरोकू ननाय अवेतिडिया।

1 कुरिंती 11:23

परबू ईंगे चेडतेरा हनानाः कता अपेयिंग चेडतना। परबू ईसूकू एचे साबा हनानाः रइत हाँय रुटी तिःईरेय साबतेरा,

1 कुरिंती 15:1

ने ईंगरिकुःआ अजी बोपोहकूतिंग, ईसू मसीराः नपाय सरवन अपे मड़ंगिंग कता उदुःवातेडपेःआ। अरू हनानाः सरवन अपे नुँहू उहियारगे लगायिंग चहाःतना। अपे हना सरवनपे बिसवासकेरा अरू बड़ियाड़ इदानपेःआ।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

2 कुरिंती 5:9

हनालगा अले नाःआ देहरेले दोहोन सहेले अटू एंडा अटू, हाँय ननायगेय लगा एकला तक-तकावतो इदानलेःआ।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

गलातिया 6:1

ईंगरिकुःआ अजी बोपोहकूतिंग, सुद बिरुवा अपे अगुवाइवापेतना। हनालगा अपे अते तोनोंगीग होड़ कसूरगोड दो, अपे सुधा होड़कू इया सताय दूर अगीपे कुदा अगूय। मनदो अपे कसूररे अलोपे बझाः लगा सवासितीपे दोहोन।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इपीसी 4:20

मनदो अपे मसी बदीरे नाःआ इया मेरपे चेडगना।

इपीसी 5:17

अरू ननानाः लगा अपे बोको होड़कू इया अहापे दोहोन, मनदो भगवानराः हिछा चेले माःआन इदा, हना नपायतेपे बुझाः।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

पिलिपी 3:14

बतकाः होड़कू इमान पवाः लगा तक-तकावकियानखनकू बतकाःता हनन इया ईसू मसीते सेरमो देसराः इमान पवाः लगा भगवान ईंगे राःकेरा।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 2:6

दो अपे ईसू मसी, परबू माःआनपे मनेवाडिया, हनन इया हाँयराः कता मनाः घड़ीनपे सलाव ञवन।

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

1 तिसलूनिका 4:2

अपे सुसुदीतना, परबू ईसू एमेकेरा हना हातपातते अले अपेले चेडतेरा।

1 तिसलूनिका 5:12

ने अजी बोपोहकूतिंग, अले मीटोंग बड़राले असेगेतना। अपे तलारेकू सेसेवातना अरू अपेकू अगुवाइवापेतना अरू परबू ईसू लगा नपाय जीव जियाः लागाकू सेतावपेता, हँकुःआ होड़कू मान मरजइतकूपे।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

2 तिसलूनिका 2:1

ने वपक बोपोहकूतिंग, परबू ईसू मसी कुदा वेग मेला, भगवान हाँय सुदा मिनीरेय जवारबूता हना बदीरे, अले अपे एचेरेले असेयतना,

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

2 तिसलूनिका 3:13

ने अजी बोपोहकूतिंग, नपाय नपाय एचेगे लगा अहापे हदासगुः।

1 तिमुतियूस 5:21

दो ईंग बेटा तिमुतियूस, भगवान, ईसू मसी अरू भगवानरिकुःआ सुनावतो सेरमो देसरिकुःआ बराहीलकू मड़ंगरे, मड़ंग आमिंग उदुःवारा हना इया जमा होड़कू सुदा बेगर पाचपटीतेम एचेय लगा सेतावकेडमेखनिंग हुकुमवामतना।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

इबरानी 13:22

ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

1 एहुना 3:22

अबू भगवानराः हुकुमकूनबू मनाःता अरू हाँय ननायगुःता हनानाःबू एचेयता दो अबू तोनोंगाःबू असेयता हान, भगवान अबू लगाय एमेयता।