1 तिसलूनिका 2:15 - Korwa Bible

¹⁵ हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।

1 तिसलूनिका 2:15 Iomraidhean Croise

मती ओजाःतेरा भगवानराः नपाय सरवन 23:37

ने एरुसलेम मरंग सहररिकुःआ होड़कू, अपे भगवानराः बड़रा कता होड़कूपे ञेड एंडाता अरू भगवान अपे एचेरेय वारतेडकुःआ हँकुःआ होड़कू दिरितेपे ञेडतेडकुःआ। ईंग मुरुक तुरहा सिम अनँयग होनकूय बुरुमता हना इया बनसावपे लगायिंग ओंगलेःआ। मनदो अपे ईंग हना इया एचे लगा मेरपे एमेवागाडिंग।

मती ओजाःतेरा भगवानराः नपाय सरवन 27:25

जमा होड़कू कतातेड, “हाव, नाँयग होड़राः गुजुःराः जिमेवारी अलेराः अरू अलेरिकुःआ लइंकूराः होया जुवाः।”

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

लूका 24:20

दो मरंग पुजउरीकू अरू एटाः हातपात होड़कू ञेड एंडागेय लगा रूमी देसरिकुःआ हातपात होड़कू एचेरे ईसूकू जिमातेरा अरू हँकू हाँय कुरूसरेकू ठोंकाव ञेडतिरिया।

मूक चेलाकू 12:3

नाःआ कता एहूदाकू लगा मंजूरयान हना हरदोस सुदीगोतेड दो हाँय पतरस होंय एचे साबतेरा। पसहा परोब अरू रुटीराः परोब मेलारे नाःआ कता होयानेना।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 3:15

अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ।

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 5:30

अपे कुरूसरेपे एचे ठोंकाव गोएगतिरिया, हाँयग ईसू गोएगतो होड़कू अते, अबू खुटिपरियारिकुःआ होड़कूरीग भगवान जियाव रेमकिरिया।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

1 कुरिंती 10:5

हनते हों हँकू अते मुरुक बगरा होड़कू सुदा भगवान मेरेय ननायगान। अरू हँकू टयंगाब ततेरतेकू सेने पार मेला गोएग कुधायानकू।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।