1 तिसलूनिका 2:14 - Korwa Bible

¹⁴ ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

1 तिसलूनिका 2:14 Iomraidhean Croise

मूक चेलाकू 11:19

इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

मूक चेलाकू 9:1

हना वरीते साहूल परबू ईसूरिकुःआ चेलाकू ञेड गोएगकू लगाय हड़कावकुःआ। अरू हाँय दिमसकूस सहररे सेन लगाय ओंगोल राइनेना।

मूक चेलाकू 9:13

दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 7:17

नाःआते हों परबू मेमेड होड़ लगाय जिमाकेरा हना दहिन इया अरू भगवान राःकेडकुःआ हनन इया जमा होड़कू जियाः लगा इदा। जमा कलसियारिकुःआ होड़कू लगा ईंगराः हुकुम ननानाः हवे।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

1 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना। भगवान अपेय मयावा लगा, अरू सलसतरेय दोहोगोड ञवनपे।

1 तिसलूनिका 1:6

अपेके मुरुक संताव होयानेना। हनाते हों सुद बिरुवा एमेयता हना बहालते अपे नपाय सरवनपे मनावकेडखन अलेरिकुःआ अरू परबूरिकुःआ ञेल सिखात होड़कूपे बड़ाँवनेना।

1 तिसलूनिका 3:4

मनाड़ंग अले अपे सुदा दोहोन मेला अपेले सेतावतेरा, कटसियारे अबूके सेनेन पार इदा, माःआन। अरू नुँहू अपे सुदीयतना हनन इया होयाकिया।

2 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।