1 तिसलूनिका 2:12 - Korwa Bible

¹² जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

1 तिसलूनिका 2:12 Iomraidhean Croise

रूमी 8:28

दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

1 कुरिंती 1:9

भगवान बिसवासगेयीग इदानिया अरू हाँय अपे अनँयगरीग बेटात अबूरीग परबू ईसू मसी सुदा मिनी जुवाः लगाय राःकेडपेःआ।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

गलातिया 5:16

मनदो ईंग कतायतना, सुद बिरुवाराः अगुवाइरेपे सलाव ञवन अरू अपेराः बेलूर ओंगोल इया अलोपे सलाः।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 2:6

दो अपे ईसू मसी, परबू माःआनपे मनेवाडिया, हनन इया हाँयराः कता मनाः घड़ीनपे सलाव ञवन।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 4:12

जेमहा एटाः होड़कू अपेराः बुता जोम बदीरे अपेकू मान मरजइत। अरू तोनोंग इयाःआ हुडिंग बगरा अपे लगा ओरो होयानेना।

1 तिसलूनिका 5:24

अपेय राःकेरा हाँयग भगवान बिसवासगेयीग इदानिया अरू हाँय हनन इयाय एचेयता।

2 तिसलूनिका 1:10

ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

2 पतरस 1:3

भगवानराः सगरावतो जंगरते, अनँयग ओंगोल इया नपाय जीवबू जियाः लगा जमाकूने एमेवाडबुःआ। अरू अनँयग लगा अबूय राःकेडबुःआ हाँयग ईसू, अगम मरंग अरू नाय नपाय इदानिया माःआनबू सुदीकेड अते नाःआ जमाकूनबू पवावकिया।

1 एहुना 2:6

अबू भगवानरिकुःआ होड़कू हवे माःआनबू कताय दो, अबू ईसू करा इयाय जियावनेना हनन इया अबू हों जियाः लगा इदा।

3 एहुना 1:6

हँकुःआ होड़कू नंडाकुःआ कलसियारिकुःआ होड़कू एचेरे आम करा इया हँकूम दुलारकेरा हना बदीरेकू कता उदुःतेरा। हँकुःआ होड़कू आम एचेरे अरूकू वेग दो हनमेला भगवानरिकुःआ होड़कू सुदा करा इया एएचे इदा हनन इया एचेकेडखन नँकू नपायतेम वारगोडकू।