1 तिसलूनिका 2:11 - Korwa Bible

¹¹ लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,

1 तिसलूनिका 2:11 Iomraidhean Croise

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

मूक चेलाकू 20:2

हाँय हना राइजरिकुःआ होड़कूय कता बहालवाडखन हना देसतेय पारनेना अरू उनानी देसरेय सोदोरनेन।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

1 तिसलूनिका 2:7

अरू एंगात अनँयगरिकुःआ लइंकूतेने पला दरीता हनन इया अले हों अपे तलारे सुधाले दोहोनेना।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 4:6

नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।

1 तिसलूनिका 5:11

हनालगा अपे नुँहू वरीपे एचेयतना, हनन इया अपे कता बहाल होड़ेंगगोड ञवनपे, अरू संघरा होड़ेंगगोड ञवनपे।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

2 तिसलूनिका 2:5

नाःआ कता अपे सुदायिंग दोहोन मेला अपे एचेरेयिंग कतागोड ञवना हना कता मेरपे उहियारगेतना जा?

2 तिसलूनिका 3:12

परबू ईसू मसीराः ञावते ननन इयाकुःआ होड़कू, अँनकूराः बुताकू ञेल लगा अरू नपायते बुता जोम लगा अले हुकुमवाकूता अरूले मंदरावकूता।

1 तिमुतियूस 5:21

दो ईंग बेटा तिमुतियूस, भगवान, ईसू मसी अरू भगवानरिकुःआ सुनावतो सेरमो देसरिकुःआ बराहीलकू मड़ंगरे, मड़ंग आमिंग उदुःवारा हना इया जमा होड़कू सुदा बेगर पाचपटीतेम एचेय लगा सेतावकेडमेखनिंग हुकुमवामतना।

1 तिमुतियूस 5:7

जमा बिसवासी होड़कू नाःआ इयाःआ कता बदीरेम हुकुमवाकू, जेमहा तोनोंगीग होड़ हँकू अहाकू ओपता अवेकू।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

तितूस 2:15

ने तितूस, जमा हातपातते नाःआ कताकूनमे चेडकू अरूम कता बहालकू अरूम सुधरावकू। मनदो तोनोंगीग आम हुडिंग ओंगोलगे लगा अहम ओवाकू।

तितूस 2:6

नान इया हुडिंग मरदकू हों अँननकूराः जीव संभाड़गे घड़ीन नपाय जीव जियाः लगा इदा।

तितूस 2:9

बेगारी होड़कू अँननकूरिकुःआ मालिककूराः जमा कताकून मनाः इदा। हँकू मालिककू एचेरे तोनोंगाः उलटा बड़रा कता कोवानेःआ,

इबरानी 13:22

ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।

3 एहुना 1:4

आम अरू एटाः बिसवासी होड़कू सताय सरवन इयापे जियाःतना। हनालगा अपे ईंगराः जीव मुरुकपे बहालगोतेडा।