1 तिसलूनिका 1:1 - Korwa Bible

¹ ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना। भगवान अपेय मयावा लगा, अरू सलसतरेय दोहोगोड ञवनपे।

1 तिसलूनिका 1:1 Iomraidhean Croise

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:27

हनालगा अले जूदा अरू सिलास, बरनाबास अरू पउलूस सुदा अपे एचेरेले वारकूतना। हँकू सेनेकियानखन अले ओजाःकेरा हना कता हँकू अँननकू अपे एचेरेकू कता उदुःगोडता।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

मूक चेलाकू 16:19

हाँयग बेगारीनरिकुःआ मालिककू सुदीगोतेड अबूराः ढिबुवा अदेरगेराः असरा चलाः एंडानतना, माःआन। दो हँकू पउलूस अरू सिलास साबतेडखन बजार अगी हना सहररिकुःआ हातपात होड़कू एचेरेकू ओर गोःयाडकिन।

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

मूक चेलाकू 16:29

दो जेहेलरीग अगुरा होड़ मरसल अगूगे लगाय कतातेरा अरू बतकाव वेगवाडखन पउलूस अरू सिलास मड़ंगरे कलपाः घड़ीने उकुड़ोमनेना।

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 19:22

हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।

मूक चेलाकू 20:4

बिरिया सहररीग पिरूसरीग बेटात सोपतरोस, अरिसतरकूस, तिसलूनिका सहररीग सिकंदूस, दिरबेरीग गायूस, आसिया राइजरिकिनाः तुकिकूस अरू तुरोपिमूस, अरू तिमुतियूस, हँकू जमाकू हाँय सुदाकू सेनेडा।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 कुरिंती 1:19

दो ईंग अरू सिलवानूस अरू तिमुतियूस अपे एचेरेले परसारतेरा हाँयग भगवानरीग बेटात ईसू मसी बार जीवकियानखन हाव अरू ओरो मेरेय कतायता, मनदो हाँय जमा बेला हनाव हावे कतायता।

गलातिया 1:2

ईंग सुदा इदानकुःआ, हँकुःआ जमा बिसवासी होड़कू सुदा, गलातिया राइजराः कलसियारिकुःआ बिसवासी होड़कू, अपे लगा, नाःआ चिठीयिंग ओजाःगेतना।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

इपीसी 1:2

अबूरीग अपांग भगवान अरू परबू ईसू मसी, अपेकिन मयावा अरू सलसतरेकिन दोहो ओवापे।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

कुलूसी 1:1

ने अजी बोपोहकूतिंग, ईंग पउलूस भगवानराः हिछा इया ईसू मसीरीग मूक चेला हवे। अरू अबूरीग बिसवास बोहोबू तिमुतियूस सुदा, नाःआ चिठीयिंग ओजाःगेतना।

2 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।

1 तिमुतियूस 1:2

बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

2 तिमुतियूस 1:2

ईंगरीग दुलार बेटा, आम लगा नाःआ चिठीयिंग ओओजाःतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

इबरानी 13:23

अपे नाःआपे सुदीबाःका, अबूरीग बोहोबू तिमुतियूस जेहेल अतेय उडुंगयना। हाँय हलीय वेग जुवाः दो अपेका जुमाः लगालिंग सेनता।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।