1 पतरस 5:6 - Korwa Bible

⁶ अरू अगम जंगरदार भगवान एचेरे हुडिंग उंगलुः घड़ीनपे दोहोन, जेमहा भगवान तोल दोहोकेरा हना बेलारे अपेय मान मरजइतपे।

1 पतरस 5:6 Iomraidhean Croise

मती ओजाःतेरा भगवानराः नपाय सरवन 23:12

अनँयग आँयग मरंगे ओंगलुःता हाँयग होड़, भगवान हुडिंगे बड़ाँवगेयता। अरू अनँयग आँयग हुडिंगे बड़ाँःता हाँयग होड़, भगवान मरंगे बड़ाँवगेयता।

लूका 1:52

भगवान, राजाकू अँकूराः हातपातराः गदी अतेय उडुंगगोतेडकू, मनदो अँननकू हुडिंगकू ओंगलुःआ, हँकुःआ होड़कू भगवान मरंगे तुलागोतेडकू।

लूका 14:11

दो ननन इया अनँयग आँयग मरंगे ओंगलुःता हाँयग होड़ भगवान हुडिंगे बड़ाँवगेयता अरू अनँयग आँयग हुडिंगे ओंगलुःता, हाँय भगवान मरंगगे बड़ाँवगेयता।”

लूका 18:14

दो ईसू चेलाकू एचेरेय कताया, “अपे ईंगपे अयूम, हाँयग फरीसी होड़ कोवान, मनदो मलगुजारी गोः होड़ भगवान ओंगोलरे बेगर गारबार होड़े बड़ाँवनेना। अनँयग आँयग मरंगे ओंगलुःता हाँय भगवान हुडिंगे बड़ाँवगेयता अरू अनँयग आँयग हुडिंगे ओंगलुःता हाँय भगवान मरंगे बड़ाँवगेयता।”

रूमी 5:6

अबू अबड़बू दोनोहोन मेला, भगवान तोल दोहोतेरा हनानाः बेला, ईसू मसी अबूराः कसूर बदलारेय गोएगनेना।

1 कुरिंती 10:22

चेले माःआनपे ओंगलेतना? अबू नाःआ इया परबू भगवानबू अंदजावगेयतना दो हाँय अबू सुदाय रीस जुवाःता। अरू अबू नाःआ हों सुदीतनाबू, हाँय अबू अते मुरुक जंगरदार इदानिया।

1 तिमुतियूस 2:6

जमा होड़कू कसूर अते सडावकू लगा हाँय किमइत एमेकेडखन कुरूसरे गुजुः लगा अनँयग आँयग जिमायान। नाःआ सरवन भगवान तोल दोहोतेरा हना बेला चउंदीसरिकुःआ होड़कू एचेरेय उदुःतेरा।

तितूस 1:3

अरू अबूरीग सडावदार भगवानराः हुकुमते तोल दोहोत बेलारेय जिमावरिंगा अनँयगराः नपाय सरवन ईंगराः परसारते हनानाः असरा होड़कूय एचे सुदीकेडकुःआ।

एकूब 4:10

परबू भगवान मड़ंगरे हुडिंगपे ओंगलुः दो, हाँय अपे मरंगे बड़ाँवपेता।

एकूब 4:7

हनालगा अपे भगवानराः आड़रेपे दोहोन। कलउ अपे जीवरे हातपातगे लगा दोंग अहापे एमेवाय। दो हाँय अपे अतेय ञीर जुवाःता।

एकूब 5:10

ने अजी बोपोहकूतिंग, परबूराः ञावतेकू कताया हँकुःआ भगवानराः बड़रा कता होड़कू कटसियाकू सहाव पारतेडखन अबू लगा चिनहा इया इदनकुःआ।