1 पतरस 4:7 - Korwa Bible

⁷ चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 4:7 Iomraidhean Croise

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 22:46

ईसू हँकू एचेरेय कताया, “अपे चिला लगापे अपीगतना? रिमुःपे। अपे अरजीगेपे, जेमहा अंदजावरे अलोपे पराः।”

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

1 कुरिंती 15:24

हना तयोमरे राइजगेताकू हँकुःआ होड़कू अरू हातपातदारकू अरू जंगरदारकू हरुवावकेडकूखन ईसू मसी अपांग भगवान एचेरे राइजे जिमागोडता। हनमेला चउंदीस टुटीग जुवाःता।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 4:5

परबू ओहेने कुदा वेगता। हनालगा अपे सुधिया होड़कू इयापे जियाः।

कुलूसी 4:2

अपे अरजीगोड ञवनपे अरू भगवान धनियाबाद घड़ीन सवासितीपे दोहोन।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

इबरानी 10:25

तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

इबरानी 9:26

ननन इया हाँय घड़ी घड़ी बलिदानगुः लगा दोहोकुः दो चउंदीस रेःएन वरीते घड़ी घड़ी कटसिया हों हाँयके ससहाव परावकुःआ। मनदो मसी, नाःआ टुटीग बेलारे अनँयग बलिदाननेनखन होड़कूराः कसूर बराव एंडागे लगा मिनी तुरहा चउंदीसरेय वेगनेना।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 पतरस 3:7

ने हेपेरेलकू, अपे हों हनन इया अँननपेरिकुःआ एपेराकू मान मरजइतकूपे अरू अलार-दुलारकू घड़ीनपे तिहाकू। हँकू अपे अते अबड़ इदानकुःआ, मनदो हँकू हों बरोबइर अपे सुदा भगवान एमेकेरा हना नँवा जीवराः दहिन पवाः लगा इताडदारकू इदानकुःआ। नाःआ इयापे एचेय दो, अपे अरजी मेला तोनोंगाः टटी-बेड़ा अपे लगा ओरो होयानेना।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”