1 पतरस 4:10 - Korwa Bible

¹⁰ भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।

1 पतरस 4:10 Iomraidhean Croise

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 24:14

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मती ओजाःतेरा भगवानराः नपाय सरवन 24:21

हना बेलारे ओतरिकुःआ होड़कू लगा मुरुक सिकिसता होयाःता। भगवान ओते तुलाकेरा हना वरीते, हना बेलारे होयाःता हान इयाःआ सिकिसता मेर होयागना अरू हनाते मड़ंग अगी हों नाःआ इया सिकिसता ओरो होयानेना।

मती ओजाःतेरा भगवानराः नपाय सरवन 24:45

“कनहूनदार अरू नपाय बिसवासगेयीग सेवकिया होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

मती ओजाःतेरा भगवानराः नपाय सरवन 25:44

हनते हँकुःआ होड़कू कतावायता, ने परबू, अले आम तुमिस रंगेगतो सहे ततंगतो सहे दुरीन देसरीग होड़ इया सहे एकेते सहे हसूरे सहे जेहेलरेले ञेलतेडमेःआ अरू आम मेरले सेवागाडमेःआ? माःआन।

मरकूस 10:45

मनुवारीग बेटात हों अनँयग एचे सेवान लगा मेरेय वेगगना, मनदो हाँय जमा होड़कूय सेवा लगा अरू अनँयग जीव एमे अटूकेडखन मुरुक होड़कू सडावकू लगाय वेगकिया।”

लूका 12:42

दो परबू ईसू कतातेड, “अपे अते कनहूनदार अरू नपाय दोदोहोयीग जिमेवारी होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

लूका 19:13

हाँय सेन अते मड़ंग अनँयग दसटोंग सेवकियाकूतेने राःतेरा अरू मेमेड होड़ मेमेड होड़ एचेरे मेमेडटोंग सोनाराः रिचकी ढिबुवा एमेतेडखन हँकू एचेरेय कताया, ईंग अरीनिंग कुदा वेग वरी अपे नानाःतेपे पुंजियावगे। हनते हाँय तोराय।

लूका 8:3

अरू हरदोसराः ओड़ाः जिमेवारी होड़ कुजारीग एरात एवना, सूसना अरू एटाः एटाः अइमीकू हों ईसू सुदाकू सेना। हँकुःआ अइमीकू अँननकूराः आन-धानते ईसू अरू आँयगरिकुःआ मूक चेलाकूकू संघरावाःआ।

रूमी 15:25

मनदो नुँहू ईंग एरुसलेम सहररिकुःआ बिसवासी होड़कू सेवाकू लगा हंडायिंग सलाःतना।

रूमी 15:27

मड़ंगरे भगवानराः नपाय सरवन मकिदुनिया राइजरिकुःआ अरू अकाया राइजरिकुःआ होड़कू एहूदाकू अतेकू अयूमतेरा। हनालगा हँकुःआ होड़कू एहूदा बिसवासी होड़कू संघरावाकू लगा हों हँकूराः जिमेवारी इदा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 3:10

भगवान ईंगे मयावारा। हना अते ईंग मी होड़ ओड़ाः तुला मिसतिरी इया हना ओड़ाःराः नेविंग गडातेरा। अरू हना नेव सेरमो एटाः होड़कू भीटकू रेमतना। अरू बुतातनाकू हँकुःआ होड़कू ञेल थिताव घड़ीन तुलाय लगा इदा।

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

2 कुरिंती 9:1

भगवानरिकुःआ सुद होड़कू लगा बिहिरी उतराव बदीरे अपे एचेरे ईंग ओओजाः लगा कोवानेःआ।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

2 तिमुतियूस 1:18

अरू आम नपायमे सुदीयतना इपीसी सहररे हों हाँय ईंग करा इयाय संघरावातेडिंगा। दो ईसू मसी कुदा वेगता हना दिन परबू हाँये सोगावाय लगायिंग अरजीतना।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।