1 पतरस 3:8 - Korwa Bible

⁸ नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 3:8 Iomraidhean Croise

मती ओजाःतेरा भगवानराः नपाय सरवन 18:33

हनन इया आम हों आमरीग संग सेवकिया सुदा चिला लगा मेरेम एचेगाड?

लूका 10:33

तयोमरे मी होड़ समरिया राइजरीग होड़ हों हनानाः दूररे वेगा। हाँय, हाँयग होड़े ञेल सोगायान।

मूक चेलाकू 2:1

पिंतिकूसतराः परोब सोदोरनेन दो जमा बिसवासी होड़कू मिनीरेकू जुमावनेन।

मूक चेलाकू 27:3

एटाः दिन सइदा सहररेले उतरावनेना अरू उलियूस, पउलूस एचेरे मयावातेडखन पउलूसरिकुःआ सउंगताकू हाँयकू संघरावा लगा हँकू एचेरेय सेने ओवातिरिया।

मूक चेलाकू 28:7

हना ततेरराः अरी-धरीरे हना डुगुरीग मरंग हातपात होड़ पुबुलियूसराः मुरुक दोहोड़कून दोहोना। दो हाँय अले अनँयग ओड़ाःरे गोःतेडलेखन पेय दिने गुतियातेडलेःआ।

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

रूमी 15:5

अबूय कता-बहालगोड ञवनता अरू सहाव घड़ीने दोहोवाबूता हाँयग भगवान एचेरेयिंग अरजीतना, जेमहा अबू ईसू मसीराः ओंगोल इया हेल-मेलरेबू दोहो ञवन।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

इपीसी 4:2

अपे जमा बेला अनँयग आँयग हुडिंग ओंगोलकियानखनपे दोहोन अरू कटराहा होड़कू अहापे होयाः। मनदो जमा बरानाः सहाव घड़ीन अलार दुलारतेपे दोहोन।

इपीसी 4:31

हिगार हटिंगगुः इयाःआ हटी ओंगोल अपे जीव अते चलाः एंडागोडपे। अपे कटराहा अरू रिसकट होड़कू अहापे होयाः। जमा बरानाः कड़ीग, ओपता बड़रा अरू जमा इयाःआ टेनसाहापे चलाः एंडागोड।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

पिलिपी 2:3

अपे एटाः होड़कू अते मरंगपे बड़ाँः लगा अरू अपे बड़वारगुः लगा, तोनोंगाः अहापे एचेय। मनदो अपे अँननपे अपे हुडिंग ओंगलुः घड़ीन, एटाः होड़कू अपे अते मरंगपे ओंगोलकू।

पिलिपी 3:16

दो अबू चेडकिया हनन इया सनालावगोड ञवन लगा इदा।

कुलूसी 3:12

अपे भगवानरिकुःआ सुद अरू सुनावतो निकता होड़कू इदानपेःआ। हनालगा सोगादारकू अरू देनहारकू अरू हुडिंग ओंगलुः होड़कू अरू सहाव अवेय होड़कू अरू सुधा होड़कू इया अपेराः लूर नेवन होयाः लगा इदा।

इबरानी 13:1

ने बिसवासी होड़कू, अपे जमाकू अजी बोपोहकू इयापे अलार-दुलार होड़ेंगगोड ञवन।

एकूब 2:13

तोनोंगीग होड़ एटाः होड़कू मेरेय सोगावा दो, फड़ियावराः दिनरे भगवान हों हाँयग होड़ ओरोय सोगावातेरिया। मनदो एटाःकूय सोगावाता हाँयग होड़, भगवान फड़ियावराः दिनरे हाँये सोगावाता।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 2:17

जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

2 पतरस 1:7

भगवानराः ओंगोल इयापे दोहोन घड़ीन बिसवासी होड़कू सुदा अलार-दुलार होड़ेंग लगा इदा अरू एटाः होड़कू होँपे अलार-दुलारगोड ञवन लगा इदा।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।