1 पतरस 3:15 - Korwa Bible

¹⁵ मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

1 पतरस 3:15 Iomraidhean Croise

मूक चेलाकू 21:39

दो पउलूस कतातेरा, “ईंग ना लवे। ईंग किलिकिया छतरराः मीटोंग मइद सहर तरसूस सहररीग मी होड़ एहूदा होड़ हवे। दो ईंग आम एचेरेयिंग असेयतना, नँकुःआ होड़कू एचेरे मीटोंग कता कता लगा ओवायिंगमे।”

मूक चेलाकू 24:25

भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

कुलूसी 4:6

अपेराः बुतुड़ु हेलेम-हेलेमते उंबार उडुंगगुःता इया होयाः, जेमहा अपे होड़कूराः जबापरे नपायते कता कुदा अवे लगापे सुदीय।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 6:1

हनालगा अबू मसीराः बदीरे रिता-रिता चेडतो अते अनउरबू बुधियाड़ इदीन। अबू गोएगतो इया बेलूर बुताकून अते जीव कुदा बदीरे अरू भगवान एचेरे बिसवासगे बदीरे,

1 पतरस 1:17

अपे अरजी मेला अपांग माःआन कताकेडखनपे रगेयता हाँयग भगवान, जमाकू अँननकूराः बुता इया बेगर पाचपटीतेय फड़ियावकूता। हनालगा अपे नाःआ चउंदीसरे दुरीन देसरिकुःआ होड़कू इया भगवानराः अकूस मनाः घड़ीनपे जियाः।

1 पतरस 3:2

अपेराः सुद अरू भगवानराः अकूसपे मनाःता हना लूर-नेवनकू ञेल घड़ीन, बेगर कताते भगवानराः सरवनकू बिसवास अवेयता।

1 पतरस 3:4

मनदो अपेराः इंदरी सुधा अरू सलसतिया जीवतेपे सिंगारगे। अरू ननानाः सिंगार कहियो ओरो ओहरावनेना अरू भगवानराः ओंगोलरे मुरुक किमइताः इदा।