1 एहुना 4:7 - Korwa Bible

⁷ अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।

1 एहुना 4:7 Iomraidhean Croise

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

1 कुरिंती 8:3

मनदो तोनोंगीग भगवाने दुलारता दो, भगवान हाँये सुदीता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

गलातिया 4:9

मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

2 तिमुतियूस 1:7

भगवान अनँयग सुद बिरुवा अबू पोंकाहन लगा मेरेय एमेगडा, मनदो भगवानाराः सुद बिरुवा अबू जीव बड़ियाड़गुः लगा अरू एटाः होड़कू अलार-दुलारकू लगा अरू अबू ओंगोल समझाः घड़ीन जियाः लगाय एमेकेरा।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 एहुना 2:10

तोनोंगीग होड़ अनँयग बिसवासी वपक बोपोहकूय अलार-दुलारता दो, हाँयराः जीव मरसल इया नपाय इदा अरू हाँय एचे कसूर अवेगेय इयाःआ कहिसाः हाँय जीवरे कोवानेःआ।

1 एहुना 2:29

अपे सुदीयतना ईसू मसी बेगर गारबारीग इदानिया। दो अपे सुनुदीबाःका, सतायरेकू सलाःता हँकुःआ होड़कू भगवानरिकुःआ लइंकू हवे।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

1 एहुना 2:7

ने ईंगरिकुःआ सउंगताकू, ईंग अपे लगा तोनोंग इयाःआ नँवा नियम मेरिंग ओओजाःतना। मनाड़ंग जूग अते अपे एचेरे इदा अरूपे अयूमकेरा हनानाः सरवन हवे ननानाः नियम।

1 एहुना 3:9

भगवानराः लूर नेवन आँयगरिकुःआ लइंकू एचेरे दोहोनता। हनन लगा हँकू मेरकू कसूरगोड ञवनता। हँकू भगवान अगीतेकू जनमावकिया। हनन लगा हँकू ओरोकू कसूरगोड ञवननेना।

1 एहुना 4:11

ने सउंगताकूतिंग, भगवान अबू मुनुरुके दुलारकेडबुःआ। हननलगा अबू हों अलार-दुलार होड़ेंग लगा इदा।

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।

1 एहुना 4:16

भगवान अबूय दुलारतना माःआनबू बिसवासतना अरूबू सुदीयतना। भगवान होड़कू मुरुके दुलारकूता। तोनोंगीग होड़ भगवान अरू एटाः होड़कूय अलार-दुलारगोड ञवनता दो हाँय भगवान सुदा मिनी इदानिया अरू भगवान हों हाँय सुदा मिनी इदानिया।

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?

1 एहुना 4:8

भगवान सगर सइट होड़कूय अलार-दुलारता। अरू एटाः होड़कू मेरेय अलार-दुलारकूता हाँयग होड़, भगवान मेरेय सुदीयता।

1 एहुना 5:1

ईसू, मसी हवे माःआने बिसवासगेयता हाँयग होड़ भगवानरीग लँइग हवे। अरू हाँयरीग अपात सुदाय अलार-दुलारता हाँय आँयग अपातरिकुःआ लइंकू होंय अलार-दुलारकूता।

2 एहुना 1:5

ईंग मेसेयिंग, आम लगा मीटोंग नँवाःआ हुकुम मेरिंग ओजाःगरा। नाःआ हुकुम मनाड़ंगते इदा अरू आम एचेरेयिंग असेयतना, अबू अँननबू अबू दुलार होड़ेंग इदा।