1 एहुना 1:7 - Korwa Bible

⁷ मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 1:7 Iomraidhean Croise

मती ओजाःतेरा भगवानराः नपाय सरवन 6:12

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

एहुना 5:4

[तोनोंग तोनोंग बेला परबू भगवानरीग बराहील सेरमो देस अते दाःरे उतरावकियानखन दाःए हिड़कोड़ा। दो दाःरे मड़ंगकू उतराःआ, हँकू तोनोंग इयाःआ बेमरियारेकू दोहोना हों हँकू नपाय जुवाःआ।]

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

1 कुरिंती 6:11

अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

1 तिमुतियूस 6:16

हनाँय एकला सगर सइट लगा जीयत इदानिया अरू मुरुक विड़चेड़तो मरसलरेय दोहोनता। तोनोंगीग होड़ हाँय तोनोंग बेला मेरकू ञेलगडिया अरू तोनोंगीग होड़ हाँय ओनोरोकू ञेल अवेतिरिया। हाँयके मान मरजइत होया ञवन अरू हाँयराः राइज जनामा जूग वरी दोहोन। आमीन!

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

1 पतरस 1:19

मनदो बेगर गारबार अरू बेगर कसूरते इदानिया हाँयग भेड़ा होन ईसू मसीराः मुरुक किमइताः बलंगीते भगवान अपेय सडावकेडपेःआ।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

1 एहुना 1:5

भगवान मरसल इदानिया अरू हाँय एचेरे अंदरा इया तोनोंगाः कोनोवानेःआ। नानाः सरवन अले हाँय अतेले अयूमकेरा अरू अपे एचेरेले कता उदुःगेतना।

1 एहुना 5:6

भगवानरीग बेटात ईसू मसी चउंदीसरे दाः अरू बलंगीतेय वेजेडा। दो हाँय दाःरे बतिसमा एकला मेरेय गोःगाड, मनदो हाँय आँयग बलंगी हों तूःकेडखने गोएगनेना। सताय हवे हान भगवानराः सुद बिरुवा नाःआ कताराः हिदइते एमेयतना।

1 एहुना 5:8

सुद बिरुवा, दाः अरू बलंगी। नाःआ पेनेय मिनीटोंग हिदइत एमेयतना।

2 एहुना 1:4

ईंग सुदीयतना आमरिकुःआ अदोम लइंकू भगवानराः सताय सरवन इया नपायतेकू जियाःतना। हँकुःआ होड़कू अपांग भगवान कतातेरा हना नियम इयाकू एचेयतना। हनालगा ईंग मुरुक बहाल इदानिंगा।

3 एहुना 1:4

आम अरू एटाः बिसवासी होड़कू सताय सरवन इयापे जियाःतना। हनालगा अपे ईंगराः जीव मुरुकपे बहालगोतेडा।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 12:11

हँकुःआ बिसवासी होड़कू भेड़ा होनराः बलंगीते, अरू हाँयरिकुःआ हिदइतदारकू दोहोन अतेकू जितावयान। अरू हँकू गुजुः ततेररे हों, अँननकूराः जीव बनसावगे लगा मेरकू ओंगोल दोहोगाड।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”