பிலிப்பியரு 2:28 - சொர்கக்கு வழிநெடசுவுது புஸ்தகா

²⁸ நீமு திருசிவு அவுன்ன நோடி சந்தோஷபடுவுக்குவு, ஆங்கே நீமு சந்தோஷபடுவுதுனால நன்னு மனகவலெ கொறெஞ்சுவுக்குவு நானு அவுன்ன நிம்மொத்ர திருசி கெளுசிபுடுவுக்கு தும்ப ஆர்வவாங்க இத்தவனி.

பிலிப்பியரு 2:28 Iomraidhean Croise

யோவானு 16:22

அதே மாதர நீமுவு ஈக மனசு கஷ்டான அனுபவுசுத்தாரி. ஆதிரிவு நானு திருசிவு நிம்முன நோடுவே. ஆக நீமு சந்தோஷபடுவுரி. ஒந்தொப்புனுவு நிம்மு சந்தோஷான நிம்மொத்ர இத்து எத்தி ஆக்குவுக்கு முடுஞ்சுனார்து.

வி.தூ. கெலசகோளு 20:38

அவுருகோளு பவுலுன கட்டியிடுது அவுனியெ முத்தா கொட்டுரு. அப்பறா அவுருகோளு அவுன்ன கூங்கிகோண்டு கப்பலு வரெக்குவு ஓயி கெளுசிமடகிரு.

2 கொரிந்தியரு 2:3

நானு பருவாங்க நனியெ சந்தோஷான கொடுபேக்காத நீமே நனியெ மனகஷ்டான கொடுகூடாது அம்புதுனாலத்தா நானு ஆங்கே எழுதிதே. நானு சந்தோஷவாங்க இத்துரெ நீமுவு சந்தோஷவாங்க இருவுரி. இதுத்தா நானு நிம்மு மேல மடகியிருவுது உறுதியாத நம்பிக்கெ.

பிலிப்பியரு 2:29

ஆண்டவரு மேல நம்பிக்கெ மடகியிருவுது கூடவுட்டிதோரு மாதரயிருவோருன ஏத்துகோம்புது மாதர இவுன்னவு தும்ப சந்தோஷவாங்க ஏத்துகோரி. இவுனு மாதர தேவரியெ கெலசமாடுவோரியெ தும்ப மதுப்பு கொடுரி.

2 தீமோத்தேயு 1:4

நாமு ஒந்தொப்புருனபுட்டு ஒந்தொப்புரு பிருஞ்சுவாங்க நிய்யி அத்தது நனியெ நாபகா இத்தாத. நனியெ தும்ப சந்தோஷா பருவுக்காக நின்னுன நோடுவுக்கு தும்ப ஆசெயாங்க இத்தவனி.