1 தீமோத்தேயு 3:12 - சொர்கக்கு வழிநெடசுவுது புஸ்தகா

¹² கிறிஸ்துன நம்புவோரு கூட்டகோளியெ ஒதவிகாரருகோளாங்க இருவோருவு ஒந்தே இன்று இருவுது கண்டனாங்க இருபேக்கு. அவுருகோளோட மக்குளுகோளுனவு, அவுருகோளோட சொந்த குடும்பானவு சென்னங்க நெடசுவோராங்க இருபேக்கு.

1 தீமோத்தேயு 3:12 Iomraidhean Croise

பிலிப்பியரு 1:1

பிலிப்பி பட்டணதுல கிறிஸ்து யேசுவொத்ர ஐக்கியவாங்க இருவுது தேவரோட ஜனகோளு எல்லாரியெவு, கிறிஸ்துன நம்புவோரு கூட்டான நோடிகோம்புது தலெவருகோளியெவு, ஆ கூட்டக்கு ஒதவி மாடுவோரியெவு யேசு கிறிஸ்துவோட கெலசக்காரராத பவுலுவு தீமோத்தேயுவு ஈ கடுதாசின எழுதுத்திரி.

1 தீமோத்தேயு 3:2

அதுனால கிறிஸ்துன நம்புவோரு கூட்டக்கு தலெவனாங்க இருவோனு ஒந்தொப்புருனாலைவு அவ தப்புமாடுவோனு அந்து குத்தா ஏளுவுக்கு முடுஞ்சுனார்தோனாங்கவு, ஒந்தே இன்று இருவுது கண்டனாங்கவு இருபேக்கு. அவ அடக்கவாங்க இருவோனாங்கவு, ஒள்ளி அறுவு இருவோனாங்கவு, மத்தோரு அவுன்ன மதுச்சுவோனாங்கவு இருபேக்கு. அவுனோட மனெயெ பருவுது ஒறம்பறென வரவேற்சி அவுருகோளுன சென்னங்க நோடிகோம்போனாங்கவு, தேவரு வெளிபடுசித நெஜவாத மாத்துன ஜனகோளியெ சென்னங்க ஏளிகொடுவோனாங்கவு இருபேக்கு.

1 தீமோத்தேயு 3:8

ஆங்கேயே, கிறிஸ்துன நம்புவோரு கூட்டதோட தலெவருகோளியெ ஒதவி மாடுவுது ஆளுகோளுவு, ஜனகோளு மதுச்சுவுது ஆளுகோளாங்க இருபேக்கு. அவுருகோளு பொய்யி ஏளுவோராங்கவு, குடிகாரராங்கவு, அணது மேல தும்ப ஆசெ இருவோராங்கவு இருகூடாது.