1 பேதுரு 2:1 - சொர்கக்கு வழிநெடசுவுது புஸ்தகா

¹ அதுனால, ஆண்டவரு கருணெயாங்க இத்தார அம்புதுன நீமு அனுபவுசி இத்துரெ

1 பேதுரு 2:1 Iomraidhean Croise

மத்தேயு 15:7

வெளிவேஷகாரரே, நிம்முன பத்தி,

மத்தேயு 23:28

அது மாதரத்தா நீமுவு வெளிபக்கதுல மனுஷரோட பார்வெல நேர்மெயாதோரு மாதர இத்தாரி. ஆதர நிம்மு மனசுல நீமு வேஷவாக்கிகோண்டுவு, மோசவாத காரியகோளுனால தும்பியுவு இத்தாரி.

மத்தேயு 24:51

ஆ கெலசக்காரன்ன தும்ப தண்டுசி, அவுன்ன வெளிவேஷகாரருன ஆக்குவுது எடதுல ஆக்குவா. அல்லி அழுகாச்சிவு, அல்லுன கச்சுவுதுவு இருவுது” அந்தேளிரு.

மத்தேயு 7:5

வெளிவேஷகாரனே, மொதல்ல நிய்யி நின்னு கண்ணுல இருவுது மரகட்டெ மாதர இருவுதுன எத்தி ஆக்கு. அப்பறா நின்னு கண்ணு சென்னங்க தெளிவுதுனால நின்னு கூடவுட்டிதோனு மாதரயிருவோனோட கண்ணுல இருவுது தூசின எத்தி ஆக்குவுக்கு முடுஞ்சுவுது.

மாற்கு 12:15

அவுருகோளு தந்தரவாங்க மாத்தாடுத்தார அந்து யேசு தெளுகோண்டதுனால அவுருகோளொத்ர, “நீமு ஏக்க ஈங்கே நன்னுன சோதுச்சுத்தாரி? நானு நோடுவுக்காக ஒந்து காசுன நன்னொத்ர கொண்டுகோண்டு பாரி” அந்தேளிரு.

லூக்கா 11:44

யூதமத சட்டான ஏளிகொடுவோரே, பரிசேயரு கூட்டான சேந்தோரே, வெளிவேஷகாரராங்க இருவுது நிமியெ ஐயோ. நீமு மறெஞ்சு இருவுது குழிமேடுகோளு மாதர இத்தாரி. அது மேல நெடைவுது ஜனகோளியெ அதுகோளு தெளிலாங்க இத்தாத” அந்தேளிரு.

லூக்கா 12:1

ஆ ஒத்துல ஆயிரா கணக்காத ஜனகோளு ஒந்தொப்புருன ஒந்தொப்புரு மெட்டுவுது அளவியெ கூடிபந்து இருவாங்க, யேசு மொதல்ல அவுரோட சீஷருகோளொத்ர, “பரிசேயரு வெளிவேஷா ஆக்குவுது, மாவுன உளியேறுசுவுது பொருளு மாதர இத்தாத. இதுன பத்தி கவனவாங்க இருரி.

லூக்கா 6:42

இல்லாந்துர, நிய்யி நின்னு கண்ணுல மரகட்டெ மாதர இருவுதுன நோடுலாங்க, நின்னு கூடவுட்டிதோனு மாதரயிருவோனொத்ர, கூடவுட்டிதோனு மாதரயிருவோனே, நானு நின்னு கண்ணுல இருவுது தூசின எத்திபுடாட்டு அந்து ஏங்கே ஏளுவாரி? வெளிவேஷகாரனே, மொதல்ல நிய்யி நின்னு கண்ணுல மரகட்டெ மாதர இருவுதுன எத்தி ஆக்கு. அப்பறா நின்னு கண்ணு சென்னங்க தெளிவுதுனால நின்னு கூடவுட்டிதோனு மாதரயிருவோனோட கண்ணுல இருவுது தூசின எத்தி ஆக்குவுக்கு முடுஞ்சுவுது.

யோவானு 1:47

ஆங்கே நாத்தானுவேலு அவுரொத்ர பருவுதுன யேசு நோடிகோட்டு, அவுன்ன பத்தி, “இதே நோடுரி, இவ ஒந்து நெஜவாத இஸ்ரவேலா. இவுனொத்ர ஏமாத்துவுது கொணா எதுவுவு இல்லா” அந்தேளிரு.

ரோமரு 1:29

அவுருகோளு எல்லா வித மோசவாத காரியகோளுன மாடுவுக்கு தும்ப விரும்புத்தார. அவுருகோளு மத்தோரியெ தும்ப மோசவாத காரியகோளுன மாடுத்தார. மத்தோரொத்ர இருவுது பொருளுகோளுன அவுருகோளு மடகிகோம்புக்கு விரும்புத்தார. தும்ப விதகோளுல மத்தோரியெ கெடுதலு மாடுவுக்கு விரும்புத்தார. மத்த ஜனகோளு மேல தும்ப பொறாமெ படுத்தார. ஜனகோளுன சாய்கொலுசுவுக்கு விரும்புத்தார. ஜனகோளொழக ஜகள பருவுக்கு மாடுத்தார. மத்தோருன ஏமாத்துத்தார. மத்தோருன பத்தி நெஜவில்லாத காரியகோளுன ஏளுத்தார. மத்தோருன பத்தி கொறெகோளுன ஏளுத்தார.

1 கொரிந்தியரு 14:20

கூடவுட்டிதோரு மாதரயிருவோரே, ஈ காரியகோளுன பத்தி நீமு சின்னு மொகுகோளு நெனசுவுது மாதர நெனசுபேடரி. மோசவாத காரியகோளுன பத்தி நெனசுவுதுல சின்னு மொகுகோளு நெனசுவுது மாதர நெனசுரி. ஆதர தேவரோட காரியகோளுன பத்தி நீமு தொட்டோரு மாதர நெனசுரி.

1 கொரிந்தியரு 5:8

அதுனால ஈக நாமு உளியேறித அள மாவு மாதரயிருவுது மோசவாத கொணகோளுனவு, மோசவாத காரியகோளுனவு எத்தியாக்கிகோட்டு கவுடுசூது இருனார்ததாங்கவு, நம்பிக்கெயெ ஏத்ததாங்கவு இருவுது அம்புது உளியில்லாத ரொட்டிகோளுன மடகி பஸ்கா அப்பான கொண்டாடுவாரி.

2 கொரிந்தியரு 12:20

ஒந்துவேளெ நானு நிம்மொத்ர பருவாங்க நீமு நானு நெனசுவுது மாதர இருனார்ரியோ அந்து நனியெ அஞ்சிகெயாங்க இத்தாத. நானுவு நீமு விரும்புவுது மாதர நெடைலாங்க இருவாரி. ஒந்தொப்புரோட ஒந்தொப்புரு பாய்ஜகள மாடுவுது, மத்தோரு மடகியிருவுது பொருளுகோளு மேல ஆசெபடுவுது, மத்தோரு மேல தும்ப சீக்கிரவாங்க கோப்பபடுவுது, அவுருகோளு விரும்புவுது, நெனசுவுது மட்டுவே நெடைபேக்கு அந்து விரும்புவுது, மத்தோரொத்ர ஒத்துமெயாங்க இல்லாங்க பிருஞ்சு இருவுது, மத்தோருன பத்தி மோசவாங்க ஏளுவுது, தும்ப பெருமெயாங்க இருவுது, ஒத்துமெயாங்க இருலாங்க கொழப்பகோளுன மாடுவுது, இது மாதர காரியகோளு நிம்மொத்ர இருவுதோ அந்து அஞ்சுத்தினி.

எபேசியரு 4:31

ஒந்தொப்புரு மேலைவு அவுருகோளு நிமியெ மாடிது தப்பியாக ஏ மனகசப்புவு இல்லாங்க இருரி. ஒந்தொப்புரொத்ரவு சீக்கிரவாங்க கோப்பபடுலாங்கவு, மத்தோருன பகெச்சுலாங்கவு இருரி. ஒந்தொப்புரொத்ரவு கோப்பவாங்க பாய்ஜகள மாடுலாங்க இருரி. ஒந்தொப்புருன பத்திவு மோசவாங்க ஏளுலாங்க இருரி. ஈங்கே நீமு எல்லா வித மோசவாத கொணகோளுனவு நிம்முனபுட்டு வெலக்கிபுடுரி.

1 தெசலோனிக்கேயா 2:3

நாமு நிமியெ ஏளிகொட்டுது தப்பாத நோக்கதோடவோ இல்லாந்துர மோசவாத எண்ணதோடவோ இல்லாந்துர யாருனவு ஏமாத்துவுக்கோ இல்லா.

1 தீமோத்தேயு 3:11

அதே மாதர, ஒதவிகாரருகோளாங்க இருவுது எங்கூசுகோளுவு, மத்தோரு மதுச்சுவுது ஆளுகோளாங்க இருபேக்கு. அவுருகோளு மத்தோருன பத்தி மோசவாங்க மாத்தாடுலாங்க இருபேக்கு. அவுருகோளு மாடுவுது எல்லாத்துலைவு நெஜவாங்கவு, அடக்கவாங்கவு இருபேக்கு.

தீத்து 2:3

ஆங்கேயே, வைசாத எங்கூசுகோளொத்ர, அவுருகோளோட பதுக்கு அவுருகோளு தேவரு மேல பக்தியாங்க இத்தார அந்து தோர்சுவுதாங்கவு, அவுருகோளு மத்தோருன பத்தி மோசவாங்க ஏளுனார்தோராங்க இருவுக்குவு, குடியெ அடிமெயாங்க இல்லாதோராங்கவு இருவுக்கு அவுருகோளியெ புத்தி ஏளு.

எபிரெயரு 12:1

நமியெ முந்தால பதுக்கிதோரு ஈங்கே அவுருகோளோட நம்பிக்கெயெ சாச்சிகோளாங்க மேகா மாதர தும்ப ஆளுகோளு நம்முன சுத்தி இத்தார. அதுனால நாமு மாடுபேக்காத காரியகோளுன மாடுவுக்கு நம்முன தடெமாடுவுது பாரகோளு எதுனவு, நம்முன இறுக்கி கட்டிமடகுவுது பாவானவு ஒதறி தள்ளிகோட்டு நம்மொழக அவுரு மேல மடகுவுக்கு நம்பிக்கென ஆரம்புசுவோராங்கவு, முடுசுவோராங்கவு இருவுது யேசு மேலயே நம்மு கண்ணுகோளுன கவனவாங்க மடகிகோண்டு தேவரு நமியாக குறுச்சுமடகி இருவுது ஓட்டபந்தயதுல பொறுமெயாங்க ஓடுவாரி.

யாக்கோபு 1:21

அதுனால நிம்மு பதுக்குல இத்து எல்லா வித மோசவாத காரியகோளுனவு நீங்குசிபுடுரி. ஒந்தொப்புரு மேல ஒந்தொப்புரு மடகியிருவுது மோசவாத நெனவுகோளுன நெனசுவுதுன நிலுசுரி. தேவரு நிம்மு மனசுல அவுரு மாத்துன மடகியிருவுதுனால நீமு அதுன தாழ்மெயாங்க ஏத்துகோரி. ஆ மாத்துனாலத்தா நிம்முன காப்பாத்துவுக்கு முடுஞ்சுவுது.

யாக்கோபு 3:14

ஆதர நிம்மு மனசுல நீமு பொறாமெயாங்கவு, கசப்பாங்கவு, சுயநலவாங்கவு இத்துரெ நிம்முன ஞானவாதோரு அந்து பொய்யாங்க ஏளி நிம்முன பத்தி நீமு பெருமெயாங்க ஏளுகூடாது.

யாக்கோபு 4:11

நன்னு கூடவுட்டிதோரு மாதரயிருவோரே, ஒந்தொப்புருன பத்தி ஒந்தொப்புரு மோசவாங்க மாத்தாடுலாங்க இருரி. கூடவுட்டிதோனு மாதரயிருவோன்ன பத்தி நீமு மோசவாங்க ஏளிரெயோ இல்லாந்துர அவ குத்தவாளி அந்து தீர்ப்பு ஏளிரெயோ நிய்யி தேவரோட கட்டளெகோளுன கொறெ ஏளி அதுன பத்தி நேயதீர்சுத்தாயி. நிய்யி தேவரோட சட்டான பத்தி கொறெ ஏளிரெ நிய்யி அது மாதர கேளி நெடைலாங்க அதுன நேயதீர்சுவோனு மாதர ஆயோவ.

யாக்கோபு 4:5

இல்லாந்துர “நம்மொழக பதுக்குவுக்கு தேவரு கொட்ட தும்ப சுத்தவாத ஆவியாதவரு நாமு அவுருன சேந்தோராங்க மட்டுவே பதுக்குபேக்கு அந்து தும்ப விருப்பவாங்க இத்தார” அந்து தேவரோட மாத்து எழுதி இருவுது புஸ்தகா காரணா இல்லாங்க ஏளுத்தாத அந்து நீமு நெனசுத்தாரியா?

யாக்கோபு 5:9

நன்னு கூடவுட்டிதோரு மாதரயிருவோரே, ஒந்தொப்புரியெ எதுராங்க ஒந்தொப்புரு முணுமுணுசுலாங்க இருரி. இல்லாந்துர நீமு குத்தவாளி அந்து ஆண்டவரு தீர்ப்பு ஏளுவுரு. இதே அவுரு பாக்குலொத்ர நிந்துகோண்டு இத்தார.

1 பேதுரு 2:16

ஈக நீமு யாரியெவு அடிமெயாங்க இல்லாங்க விடுதலெயோட இத்தாரி. அதுனால மோசவாததுன மாடுவுக்கு நிமியெ அதிகாரா இத்தாத அந்து அர்த்தவில்லா. நீமு தேவரோட அடிமெகோளாங்கவே பதுக்குரி.

1 பேதுரு 2:22

அவுரு ஏ பாவவு மாடுலா. அவுரு பொய்யி ஏளிதே இல்லா.

1 பேதுரு 3:10

தேவரோட மாத்து எழுதி இருவுது புஸ்தகதுல ஈங்கே எழுதி இத்தாத: “சென்னங்க பதுக்குவுக்குவு, பதுக்குல ஒள்ளி தினகோளுன நோடுவுக்கு விரும்புவோனு, அவுனோட நாளிக்கெனால ஜனகோளுன பத்தி மோசவாங்க ஏளுலாங்கவு, அவுனோட ஒதடுகோளுனால பொய்யி ஏளுலாங்கவு அவுன்ன காத்துகோத்தான.

1 பேதுரு 4:2

ஏக்கந்துர மைய்யில கஷ்டகோளுன அனுபவுசுவோனு பாவமாடுவுதுன நிலுசிபுடுத்தான. அவ இனிமேலு ஈ ஒலகதுல பதுக்குவுது காலவெல்லா மனுஷரோட மோசவாத ஆசெகோளுபடி பதுக்குலாங்க தேவரோட விருப்பகோளுபடி பதுக்குத்தான.

1 பேதுரு 4:4

ஈக நீமு அவுருகோளுகூட சேந்து ஆ வெறிதனவாத வழிகோளுல நெடைவுது இல்லா. அதுன நோடி அவுருகோளு ஆச்சரியபடுத்தார. அதுனால அவுருகோளு நிம்முன பத்தி கேவலவாங்க ஏளுத்தார.

வெளி. காரியகோளு 14:5

இவுருகோளு பாயில இத்து பொய்யே பந்தது இல்லா. இவுருகோளு ஏ குத்தவு மாடுனார்தோரு.