Rom 4:10 - Kewa West

¹⁰ Abraham-re aa-rabu Gote-me nipu epe aa kone isa ya? Nipuna yogane kepesimi rabu pae nakepesimi rabu pae go kone aa-rabu isa: Gore nipuna yogane nakepesimi rabu Gote-me nipu redepo ne aa kone aba isa.

Rom 4:10 Iomraidhean Croise

Ripimae Agaa 15:16

Nena ruru onaare go su-para abi naepalimi. Akoloya Amor onaame waea pa palaeme. Nimuna waea waru palaina loare pane ratu rubalua. Go rabu nena rururi kaara maala popenaloa nimu wala epalimi.

Ripimae Agaa 17:1

Abram-na mali 99 patinaloa, Adaa Aa nipu piri ipua lalo: Ni Gote purina-re yapulu oroyalo nina rolo-para pirape. Goa pua epeanu pape.

Ripimae Agaa 17:10

Nerapu agaa gupa rogato. Nena ruru orope epaliminu page, Nimi goa pipape. Aa naki rayona yogane puduri rugutapape.

Rom 4:11

Abraham-na yogane orope kepisimi-pulu Gote-me nipu aba redepo na aa kone isa-daa onaanumi go kone adesimi. Goa pisa-pulu Abraham-re yogane nakepene kone rulae aa rayona akua pia. Nimuna yogane nakepisimi pare Gote-me nimu redepo ne onaa mapiraasa. Gore nimumi Gote madaa kone rulaawa go kone robaa-para maodasimi-pulu nipumi nimu redepo ne onaanu mapiraasa.

Rom 4:9

Gore Devit-mi raaname ome agaa tisadere mo abade nimuna yogane kepene Juda aanu agu madaa tisa ya? Dia, go konere yogane nakepene ruru radonumi page meme. Goa pea-ga niaa me Gote-na buk-para gupa adoa teme: Abraham-me Gote madaa kone rulaawa go kone mapiraasa-pulu Gote-me nipu redepo ne aa kone isa.

Galesia 5:6

Gore niaa Yesu Krais raapu pirua nipuna agaa pagoare go yogane kepeape palo nakepeape agaare ora pinawa. Goa pea pare niaamere pedo pua raaname omape kone salima rabu niaana kone rulape kone puri mapalaalia.

Galesia 6:15

Yogane kepeape yapalo nakepeape yapalo gore ora pinawa. Gote-me niaare kagaa onaa-rupa mapiraaya-pulu go padane madaa kone rulaawa pedo pamina.